PMC Employees Promotion | लेखनिकी संवर्गातील १३३ कर्मचाऱ्यांना पदोन्नती! | अतिरिक्त आयुक्त यांच्याकडून आदेश जारी

PMC Employees Promotion | लेखनिकी संवर्गातील १३३ कर्मचाऱ्यांना पदोन्नती!

| अतिरिक्त आयुक्त यांच्याकडून आदेश जारी

PMC Employees – (The Karbhari News Service) – पुणे महापालिकेच्या लेखनिकी संवर्गातील १३३ कर्मचाऱ्यांना लिपिक टंकलेखक श्रेणी ३ या संवर्गातून वरिष्ठ लिपिक श्रेणी ३ पदावर पदोन्नती देण्यात आली आहे. याबाबतचे आदेश अतिरिक्त आयुक्त पृथ्वीराज बी पी यांच्याकडून जारी करण्यात आले आहेत. (Pune Municipal Corporation – PMC)

दरम्यान नुकतेच लेखनिकी संवर्गातील वरिष्ठ लिपिक या पदावरील ८६ कर्मचाऱ्यांना उप अधिक्षक (S 13 – Class 3 ) या पदावर पदोन्नती देण्यात आली होती. त्यांनंतर आता ही पदोन्नती देण्यात आली आहे.

याबाबत पीएमसी एम्प्लॉइज युनियन चे अध्यक्ष बजरंग पोखरकर यांनी सांगितले की, ८६ उपाधीक्षक व १३३ वरिष्ठ लिपिक सेवकाना पदोन्नती देण्यात आलेली आहे. प्रतिक्षा यादीतील सेवकांनाही लवकर पदोन्नती देण्यात यावी. लेखनिक सवर्गातील ७५% पदोन्नती झाली आहे. उर्वरीत २५% जागांचे पदोन्नती होण्यासाठी आम्ही प्रयत्नशिल आहोत.