Chandu Kadam Congress | पुणे महानगरपालिका काँग्रेस पक्षाच्या ‘गटनेते’ पदी ॲड. रामचंद्र उर्फ चंदूशेठ कदम यांची निवड!
PMC Pune Congress – (The Karbhari News Service) – पुणे महानगरपालिकेच्या नुकत्याच झालेल्या पंचवार्षिक निवडणुकीत काँग्रेस पक्षाचे १५ नगरसेवक निवडुण आले. आज काँग्रेस भवन येथे पुणे शहर जिल्हा काँग्रेस कमिटीच्ये अध्यक्ष अरविंद शिंदे यांच्या अध्यक्षतेखाली झालेल्या काँग्रेसच्या नवनियुक्त नगरसेवकांच्या बैठकीत काँग्रेस पक्षाचे ज्येष्ठ नगरसेवक ॲड. रामचंद्र उर्फ चंदूशेठ कदम यांची पुणे महानगरपालिका काँग्रेस पक्ष गटनेते पदी एकमताने निवड करण्यात आली. (Pune Congress News)
यावेळी पुणे शहर काँग्रेस अध्यक्ष अरविंद शिंदे, महाराष्ट्र प्रदेश काँग्रेसचे खजिनदार ॲड. अभय छाजेड, माजी आमदार दिप्ती चवधरी, प्रवक्ते गोपाळ तिवारी, पुणे शहर काँग्रेस उपाध्यक्ष अजित दरेकर, प्राची दुधाने व असंख्य कार्यकर्ते उपस्थित होते. मागील आठवड्यात काँग्रेस पक्षाचे माजी मंत्री व पुण्याचे निरिक्षक सतेज उर्फ बंटी पाटील यांनी काँग्रेस भवन येथे सर्व नवनिर्वाचित काँग्रेस नगरसेवकांची स्वतंत्र भेट घेवून गटनेता पदासाठीचा कल घेतला होता. तेव्हाच कदम यांच्या नावास एकमताने समंती मिळाली होती.
गटनेते पदी निवड झाल्यानंतर ॲड. रामचंद्र उर्फ चंदूशेठ कदम यांनी काँग्रेस पदाधिकाऱ्यांसमवेत विभागीय आयुक्तांकडे जाऊन तसे पत्र सादर केले.
अॅड. रामचंद्र उर्फ चंदूशेठ कदम हे कोथरूडच्या राजकीय आणि सामाजिक क्षेत्रातील अग्रणी नाव आहे. चंदूशेठ यांना लोकसवेची प्रेरणा घरातून म्हणजेच माजी मंत्री आणि भारती विद्यापीठाचे संस्थापक स्व.डॉ. पतंगराव कदम साहेब आणि लोकनेते पुणे महानगरपालिकेचे माजी नगरसेवक स्व. सुबराव कदम साहेब यांच्याकडून मिळाली. या दोन्ही प्रेरणादायी नेत्यांच्या कामाचा वारसा पुढे घेऊन जात असताना चंदूशेठ यांनी पूर्ण समर्पणाने जनतेची सेवा केली.
पुण्यातील कोथरुड भाग भाजपाचा बालेकिल्ला म्हणून सर्वश्रुत आहे. भाजपाच्या होम पीचवर चंदूशेठ गेली १५-२० वर्षांपासून नॉट आऊट बॅटिंग करत आहेत.
२००७ साली चंदूशेठ यांनी पुण्यासारख्या महानगरात प्रत्यक्ष कामाला सुरुवात केली. प्रथम पाच वर्ष स्वीकृत नगरसेवक म्हणून कार्यरत असताना त्यांनी कामाच्या जोरावर मोठा जनाधार मिळवला. आपल्या अथक परिश्रमाने लोकांशी जिव्हाळ्याच्या नाते जोडले.
२०१२ साली त्यांनी पहिल्यांदा पुणे महानगरपालिकेची निवडणूक लढवली. या निवडणुकीत त्यांना स्वतः तर मोठा विजय मिळवलाच शिवाय काँग्रेस पक्षाच्या सहकारी महिला उमेदवारला देखील निवडून आणले. हीच किमया त्यांनी २०१७ आणि आता २०२६ मध्ये करून दाखवली आहे.
भाजपच्या प्रचंड ताकदीच्या विरोधातही चंदूशेठ यांनी कधी हार मानली नाही. कोथरुड सारख्या अभेद्य बालेकिल्ल्यात चंदूशेठ यांनी त्यांच्या अथक मेहनतीने, लोकांशी असलेल्या जवळीकने आणि काँग्रेसच्या मूल्यांवरचे अटळ विश्वासाने कोथरूडमध्ये काँग्रेसचा गड मजबूत केला. चंदूशेठ यांचे यश लोकांच्या मनातील विश्वासाची आणि प्रेमाची साक्ष आहेत.
COMMENTS