International Women’s Day 2024 | महिला दिनानिमित्त महापालिकेतील महिला अधिकारी आणि महिला कर्मचाऱ्यांना अर्ध्या दिवसाची सवलत
Pune – (The Karbhari News Service) – International Women’s Day 2024 | | जागतिक महिला दिनानिमित्त पुणे महापालिकेतील महिला अधिकारी आणि महिला कर्मचाऱ्यांना (PMC Women Officers and Employees) विविध कार्यक्रमात सहभागी होण्यासाठी 7 मार्च ला अर्ध्या दिवसाची सवलत दिली जाणार आहे. याबाबतचे परिपत्रक (PMC Circular) महापालिका प्रशासनाकडून जारी करण्यात आले आहे. (International Women’s Day 2024)
दरवर्षी 8 मार्च ला जागतिक महिला दिन साजरा केला जातो. या निमित्ताने महिलांशी संबंधित विविध कार्यक्रमाचे आयोजन केले जाते. पुणे महापालिकेत देखील विविध कार्यक्रम आयोजित केले जातात. दरम्यान यावर्षी 8 मार्च ला महाशिवरात्री निमित्त महापालिकेला सुट्टी आहे. त्यामुळे महापालिकेत 7 मार्च लाच कार्यक्रमाचे आयोजन करण्यात आले आहे. या कार्यक्रमात सहभागी होण्यासाठी 7 मार्च महापालिका महिला अधिकारी आणि महिला कर्मचाऱ्यांना अर्ध्या दिवसाची सवलत दिली जाणार आहे. (Pune PMC News)
प्रशासनाच्या परिपत्रकानुसार वर्ग 1 ते 3 मधील महिला अधिकारी आणि महिला कर्मचाऱ्यांना दुपारी 3 नंतर सवलत दिली जाणार आहे. तर वर्ग 4 मधील सेविकांना सकाळी 10:30 नंतर अर्ध्या दिवसाची सवलत दिली जाणार आहे. सर्व विभाग प्रमुखांनी आपल्या खात्यातील महिला याबाबत अवगत करण्याचे आदेश प्रशासनाकडून जारी करण्यात आले आहेत.
