शहरात सध्या एकच कोरोना रुग्ण ऑक्सिजनवर
: शहरातील कोरोना ओसरत चालला
पुणे : कोरोनाची तिसरी लाट (corona cases in pune decreasing) आता पूर्णत: ओसरली असल्याचे चित्र शहरात दिसून आले आहे. शनिवारी केवळ एकाच रुग्णाला ऑक्सिजनची गरज असून, कोणताही कोरोनाबाधित व्हेंटिलेटरवर अथवा आयसीयूमध्ये नाही. शनिवारी दिवसभरात केवळ 10 नवे कोरोनाबाधित आढळून आले असून, त्यांनाही सौम्य लक्षणे आहेत.
महापालिकेच्या आरोग्य विभागाने दिलेल्या माहितीनुसार, शनिवारी 1 हजार 670 जणांनी कोरोना चाचणी करून घेतली. यापैकी बधितांची टक्केवारी फक्त अर्धा टक्का आहे. शहरातील सक्रिय कोरोनाबाधित रुग्णांची संख्या 166 इतकी असून, यापैकी 2.76 टक्के रुग्णांना रुग्णालयात उपचार घेण्याची आहे. परंतु यापैकी बहुतांशी जण हे अन्य व्याधींनी त्रस्त आहेत व काही जण वयोवृद्ध आहेत.
शनिवारी एकाही कोरोनाबाधिताचा मृत्यू शहरात झालेला नाही. आजपर्यंत शहरात एकूण 45 लाख 31 हजार 902 जणांनी कोरोना चाचणी करून घेतली आहे. यापैकी 6 लाख 61 हजार 707 जण कोरोनाबाधित आढळून आले आहेत. तर यापैकी 6 लाख 52 हजार 193 जण कोरोनामुक्त झाले आहेत. आतापर्यंत शहरात 9 हजार 348 झाला आहे.
COMMENTS