Pune Water Cut Cancelled | पुणेकरांसाठी दिलासा! गुरुवारची पाणीकपात रद्द; शहरात उद्या नियमित पाणीपुरवठा

Pune Water Cut Cancelled | पुणेकरांसाठी दिलासा! गुरुवारची पाणीकपात रद्द; शहरात उद्या नियमित पाणीपुरवठा

| १२ नोव्हेंबर रोजी नियोजित पाणीकपात रद्द; पुणे महापालिकेच्या पाणीपुरवठा विभागाची माहिती

Pune Water Cut : The Karbhari News Service : पुणे शहरातील नागरिकांसाठी दिलासादायक बातमी आहे. गुरुवार, दिनांक १२ नोव्हेंबर २०२६ रोजी नियोजित करण्यात आलेली पाणीकपात रद्द करण्याचा निर्णय पुणे महानगरपालिकेच्या पाणीपुरवठा विभागाने घेतला आहे. त्यामुळे उद्या शहरातील पाणीपुरवठा नियमित वेळापत्रकानुसार सुरळीत सुरू राहणार आहे. (PMC Water Supply  Department)

पुणे महापालिकेकडून दर गुरुवारी विविध जलकेंद्रे आणि पाणीपुरवठा यंत्रणेच्या देखभाल व दुरुस्तीच्या कामांसाठी शहरातील पाणीपुरवठा बंद ठेवण्यात येतो. त्यानुसार गुरुवार, १२ नोव्हेंबर रोजीही पाणीकपात नियोजित करण्यात आली होती. मात्र, आता ही पाणीकपात रद्द करण्यात आली आहे.

याबाबत पुणे महानगरपालिकेच्या पाणीपुरवठा विभागाचे मुख्य अभियंता यांनी अधिकृत सूचना जारी केली आहे. या सूचनेनुसार गुरुवारी पुणे शहरातील पाणीपुरवठा नेहमीच्या वेळापत्रकाप्रमाणे सुरू राहणार आहे.

त्यामुळे गुरुवारी पाणीकपातीमुळे पाण्याचा साठा करण्याची तयारी केलेल्या नागरिकांना मोठा दिलासा मिळाला आहे. नागरिकांनी पाणीपुरवठ्याबाबत कोणतीही चिंता करू नये, असे या निर्णयातून स्पष्ट झाले आहे.

दरम्यान, गुरुवारची नियोजित पाणीकपात रद्द झाली असून, शहरातील पाणीपुरवठा नियमित वेळेनुसारच होणार असल्याची नोंद नागरिकांनी घ्यावी.