PMC Premonsoon Work | पावसाळापूर्व कामांचा आढावा | 120 पाणी साठण्याच्या ठिकाणांवर तातडीने काम | QRT टीमही नेमणार
Pune PMC News – (The Karbhari News service) – पावसाळ्यापूर्वी शहरातील पाणी साठण्याच्या 250 ठिकाणांपैकी 120 ठिकाणी तातडीने उपाययोजना करण्याचा निर्णय पुणे महापालिकेने घेतला आहे. शहर अभियंता यांच्या उपस्थितीत झालेल्या बैठकीत हा आढावा घेण्यात आला. (Pune Municipal Corporation – PMC)
120 ठिकाणांपैकी 44 कामे पूर्ण, 34 ठिकाणी तात्पुरते उपाय
मलनिस्सारण विभाग, पथ विभाग, सर्व परिमंडळांचे उपायुक्त आणि क्षेत्रीय कार्यालयांच्या अधिकाऱ्यांसोबत झालेल्या बैठकीत माहिती देण्यात आली की, मलनिस्सारण विभागाने 44 ठिकाणची कामे पूर्ण केली आहेत, तर 42 कामे सुरू आहेत. उर्वरित 34 ठिकाणी मोठ्या स्वरूपाच्या उपाययोजना लागणार असल्याने तिथे 2 आठवड्यात तात्पुरते उपाय करण्याचे ठरले. यामध्ये पथ विभाग 15, क्षेत्रीय कार्यालये 8 आणि मलनिस्सारण विभाग 11 कामे पूर्ण करणार आहे.
ड्रेनेज लाइन साफसफाईचे विकेंद्रीकरण, महिन्याचे नियोजन ठरणार
1 ऑक्टोबर 2025 च्या आदेशानुसार ड्रेनेज लाइन कामांचे विकेंद्रीकरण करण्यात आले आहे. 600 मिमी पर्यंतच्या लाइनची दुरुस्ती व साफसफाई क्षेत्रीय कार्यालये करतील.600 मिमी पेक्षा मोठ्या वाहिन्या मुख्य मलनिस्सारण विभागाकडून साफ होणार आहेत.
व्हेइकल डेपोकडील jetting, jetting cum suction, grab आणि champion मशीनचा वापर करून चोक लाइन आणि गाळ काढला जाणार आहे. मुख्य खात्याकडून recycle machine वापरून मुख्य मलवाहिन्या साफ केल्या जाणार आहेत.
प्रत्येक क्षेत्रीय आणि मुख्य खात्याने तक्रारी येणाऱ्या किमान 10 रस्ते आणि 3 किमी लांबीची दरमहा साफसफाईचे नियोजन करायचे आहे. त्याचा अहवाल दर महिन्याच्या 5 तारखेपर्यंत सादर करावा लागेल. यामुळे लाइन चोक होण्याच्या तक्रारी कमी होतील, असा विश्वास व्यक्त करण्यात आला.
रात्रपाळी, QRT टीम आणि 24 तास हेल्पलाइन
पावसाच्या पाण्याचा तातडीने निचरा करण्यासाठी पथ विभागाच्या रोड maintenance van चा वापर समन्वयाने करण्याच्या सूचना दिल्या आहेत. प्रत्येक क्षेत्रीय कार्यालयात रात्रपाळीत किमान 5 मजूर उपलब्ध ठेवून वाहतुकीच्या रस्त्यावरील कामे करावीत.
पाणी साठण्याच्या ठिकाणी पंप उपलब्धता क्षेत्रीय कार्यालय आणि आपत्ती व्यवस्थापन विभागाने समन्वयाने करायची आहे.
आपत्ती व्यवस्थापन विभागात 24 तास तक्रार निवारण केंद्र सुरू करून रात्रपाळीत आपत्ती, बांधकाम, मलनिस्सारण, अतिक्रमण या विभागांच्या उपअभियंत्यांची नेमणूक केली जाणार आहे.
प्रत्येक क्षेत्रीय कार्यालय स्तरावर Quick Response Team (QRT) नेमून तक्रार निवारणासाठी स्वतंत्र कक्ष स्थापन करून त्याचा फोन नंबर प्रसिद्ध करण्याचे आदेश देण्यात आले आहेत.
सर्व विभागांनी समन्वयाने काम करून पावसाळापूर्व कामे आणि नागरिकांच्या तक्रारींचे तातडीने निवारण करावे, अशा सूचना शहर अभियंता यांनी दिल्या आहेत.
COMMENTS