NCP – SCP Pune | पुणे महापालिकेवर बैलगाडी व टांगा मोर्चा!
Pune News – (The Karbhari News Service) – पेट्रोल-डिझेलच्या दरवाढीमुळे देशभरात संताप व्यक्त होत आहे. या दरवाढीच्या निषेधार्थ राष्ट्रवादी काँग्रेस शरदचंद्र पवार पक्ष, पुणे शहरच्या वतीने शहराध्यक्ष श्रीकांत पाटील यांच्या मार्गदर्शनाखाली पुणे महानगरपालिकेवर बैलगाडी व टांगा मोर्चा काढण्यात आला. (Pune Breaking News)
यावेळी आंदोलनकर्त्यांनी केंद्र सरकारच्या विरोधात जोरदार घोषणाबाजी करत वाढती महागाई, इंधन दरवाढ आणि सर्वसामान्य नागरिकांवरील आर्थिक ताण याविरोधात निषेध व्यक्त केला. केंद्रातील भारतीय जनता पक्ष सरकारच्या जनविरोधी धोरणांमुळे नागरिक त्रस्त झाले असून, पेट्रोल-डिझेल दरवाढीमुळे जीवनावश्यक वस्तूंचे दर देखील मोठ्या प्रमाणात वाढल्याचा आरोप करण्यात आला.
दरवाढ रद्द झाली नाही, तर यापेक्षाही तीव्र आंदोलन करण्यात येईल, असा इशारा यावेळी राष्ट्रवादी काँग्रेस शरदचंद्र पवार पक्ष, पुणे शहरच्या वतीने देण्यात आला.
यावेळी गटनेते काकासाहेब चव्हाण, महिला अध्यक्ष स्वातीताई पोकळे, नगरसेवक गफुरभाई पठाण, नगरसेविका अनिताताई इंगळे, रविंद्रअण्णा माळवदकर, दीपक जगताप, अजिंक्य पालकर, अमोघ ढमाले, हर्षद जाधव, प्रवीण तुपे, मकरंद देशमुख, वंदना मोडक, दिलशाद अत्तार, उर्मिला गुंड, जयश्री आदमाने, मेघा सातव तसेच इतर पदाधिकारी व कार्यकर्ते उपस्थित होते.
COMMENTS