Vaccination For 12-14 years old : पुणे शहरातील 12 ते 14 वयोगटातील मुलांना उद्यापासून  कॉर्बेव्हॅक्स लस 

पुणे : भारत सरकारने 13 ते 14 वयोगटातील मुलांना कोरोना लस देण्यास परवानगी दिली आहे. त्यानुसार महापालिका प्रशासनाकडून या मुलांना उद्यापासून  कॉर्बेव्हॅक्स लस दिली जाणार आहे. त्यासाठी महापालिका प्रशासनाने 29 लसीकरण केंद्रांची व्यवस्था तैनात केली आहे. नोंदणी उद्यापासून ऑनलाईन देखील करता येईल. असे महापालिका प्रशासनाकडून कळवण्यात आले आहे.

१४ मार्च २०२२ रोजी प्राप्त भारत सरकारच्या आरोग्य व कुटुंब कल्याण मंत्रालय यांनी दिलेल्या निर्देशानुसार संपूर्ण देशात दि.१६ मार्च २०२२ पासून वय वर्षे १२ ते १४ वयोगटातील मुलांना म्हणजेच १५ मार्च २०१० पूर्वी जन्मलेल्या सर्व मुलांना कोबिड -१९ लसीकरण मोहिमे अंतर्गत कॉर्बेव्हॅक्स लस देण्यात येणार आहे. त्या अनुषंगाने संपूर्ण पुणे शहरामध्ये दि. १६ मार्च २०२२ पासून मुख्य लसीकरण कार्यालय आरोग्य विभाग पुणे महानगर पालिका यांचे अंतर्गत पुणे महानगर पालिकेच्या २९ हॉस्पिटल्स तसेच रुग्णालयांमध्ये  १२ ते १४ वयोगटातील मुलांचे लसीकरण करणेत येणार आहे.

त्यासाठी भारत सरकारच्या दिलेल्या मार्गदर्शक तत्वानुसार १२ ते १४ वर्षांचीमुलेलसीकरणासाठी खालीलप्रमाणे पात्र ठरणार आहेत.

१. १५ मार्च २०१० वा त्यापूर्वी जन्म झालेले लाभार्थी हे पात्र राहतील
२. लाभार्थ्यांना कोविन सिस्टीमवर स्वत:च्या मोबाईल नंबरद्वार कॉर्बेव्हॅक्स (Corbevax) लसीकरणासाठी नोंदणी करता येईल तसेच ऑनलाईन सुविधा दि.१६ मार्च २०२२ पासून सुरु होईल.
३. ५० % ऑनलाईन व ५० %लसीकरण केंद्राच्या ठिकाणी जाऊन नोंदणी करण्याची सुविधा सुद्धा उपलब्ध आहे.
४. लसीकरणाच्या वेळी लसीकरणासाठी येणाऱ्या लाभार्थ्याकडे आधारकार्ड /ओळखपत्र असणे आवश्यक
५.दिव्यांग मुले (दिव्यांग प्रमाणपत्र सहीत) उपस्थित राहिलेल्यांना मुलांना लसीकरण केंद्रावर प्राधान्याने (ON SPOT नोंदणी करून) पहिला डोस देण्यात येईल
१२ ते १४ वर्षे वयोगटातील लाभार्थ्यांच्या लसीकरणासाठी पुणे मनपा प्रशासनाने  २९ स्वतंत्र लसीकरण केंद्रांची निश्चिती केली आहे.