Pune : Hadapsar : पुण्यातील हडपसरमध्ये मॉर्निंग वॉकला चाललेल्या तरुणावर बिबट्याचा हल्ला

HomeपुणेBreaking News

Pune : Hadapsar : पुण्यातील हडपसरमध्ये मॉर्निंग वॉकला चाललेल्या तरुणावर बिबट्याचा हल्ला

Ganesh Kumar Mule Oct 26, 2021 6:53 AM

Animal Hospital | हडपसर प्राणी  हॉस्पिटल प्रस्ताव मंजूर | मात्र  हडपसर मधून विरोध वाढला
Water Closure | सिंहगड रोड, हडपसर परिसरात गुरुवारी पाणी बंद! 
DCM Eknath Shinde | विविध विकासकामांच्या भूमिपूजनासाठी उपमुख्यमंत्री पुण्यात येणार – शहरप्रमुख प्रमोद नाना भानगिरे | उपमुख्यमंत्री एकनाथ शिंदे यांचा वाढदिवस अनोख्या सामाजिक उपक्रमांनी साजरा होणार

पुण्यातील हडपसरमध्ये मॉर्निंग वॉकला चाललेल्या तरुणावर बिबट्याचा हल्ला

 गेल्या तीन तासात कोणालाही बिबट्या आढळून आलेला नाही

पुणे : गेल्या काही दिवसांपासून फुरसुंगी, हडपसर, भेकराईनगर परिसरात दर्शन देणारा बिबट्या आज साडेसतरा नळी परिसरात भर वस्तीत शिरला असून त्याने मॉर्निग वॉकला जात असलेल्या तरुणावर हल्ला करुन जखमी केले. या घटनेमुळे हडपसर  परिसरातील साडेसतरा नळी, भोसले वस्ती, गोसावी वस्ती या भागात दहशत निर्माण झाली आहे.

संभाजी बबन आतोडे (रा. गोसावी वस्ती) असे जखमी झालेल्या तरुणाचे नाव आहे. संभाजी आटोळे व त्याचा मित्र अमोल लोंढे हे दोघे आज पहाटे साडेपाच वाजता मार्निंग वॉकला जात होते. त्यावेळी गवतात लपून बसलेल्या बिबट्याने  डाव्या बाजूने संभाजी आतोडे यांच्यावर अचानक झडप घातली. बिबट्याच्या पंजाचा फटका बसल्याने त्यात संभाजी आतोडे यांचा डावा हात रक्ताने माखला होता. त्यांनी आरडाओरडा करताच बिबट्या पळून गेला. आटोळे यांना सुरुवातीला जवळच्या यश हॉस्पिटलमध्ये प्राथमिक उपचार केल्यानंतर त्यांना ससून रुग्णालयात दाखल करण्यात आले आहे.

या घटनेची माहिती समजताच हडपसर पोलीस, अग्निशमन दल आणि वन विभागाचे अधिकारी, कर्मचारी घटनास्थळी दाखल झाले असून बिबट्याचा शोध घेतला जात आहे. मात्र, या हल्ल्यानंतर गेल्या तीन तासात कोणालाही बिबट्या आढळून आलेला नाही.

COMMENTS

WORDPRESS: 0
DISQUS: 0