PMC JE Bharti Results | महापालिकेच्या कनिष्ठ अभियंता (स्थापत्य) भरती प्रक्रियेत छेडछाड नाही | नावातील साम्यावर प्रशासनाचा खुलासा

PMC JE Bharti Results | महापालिकेच्या कनिष्ठ अभियंता (स्थापत्य) भरती प्रक्रियेत छेडछाड नाही | नावातील साम्यावर प्रशासनाचा खुलासा

PMC JE Recruitment 2026 – (The Karbhari News Service) – पुणे महापालिकेच्या कनिष्ठ अभियंता (स्थापत्य) पदाच्या भरती प्रक्रियेत कोणतीही छेडछाड झालेली नाही, असा खुलासा महापालिका प्रशासनाने केला आहे. माहिती अधिकार कार्यकर्ते विजय कुंभार यांनी उपस्थित केलेल्या आरोपांवर प्रशासनाने सविस्तर माहिती दिली आहे. ही नावे दुबार नसून समान नावाचे १४ उमेदवार आहेत, असा खुलासा अतिरिक्त आयुक्त प्रजित नायर यांनी बुधवारी केला. (Prajit Nair IAS)

कुंभार यांनी भरतीच्या निकालात एकाच नावाच्या २६ उमेदवारांचा उल्लेख असल्याचा दावा केला होता. यावर महापालिकेचे अतिरिक्त आयुक्त प्रजित नायर यांनी स्पष्ट केले की, संबंधित उमेदवारांची नावे, वडिलांचे नाव आणि आडनाव समान असले तरी इतर सर्व तपशील वेगवेगळे आहेत.

‘उमेदवार यादीत २६ नव्हे, तर २८ नावे आहेत. त्यातील १४ नावे समान असली तरी ते वेगवेगळे उमेदवार आहेत. त्यांची पडताळणी करण्यात आली आहे. परीक्षेची तारीख एकच असली, तरी त्यांचा पत्ता व परीक्षा केंद्रे वेगवेगळ्या शहरांत होती.’

महापालिकेने भरती प्रक्रिया पूर्णपणे पारदर्शक पद्धतीने राबवली असल्याचा दावा केला असून, नागरिकांनी अफवांवर विश्वास ठेवू नये, असे आवाहन केले आहे.