Pune Municipal Corporation (PMC) | तुम्ही सेवानिवृत्त नाही तर तुमची दुसरी आवृत्ती सुरु होत आहे – डॉ दिनेश ललवाणी
| महापालिकेचे 43 कर्मचारी सेवानिवृत्त
PMC Retired Employees – (The Karbhari News Service) – मार्च, महिन्यात पुणे महापालिकेचे (Pune Municipal Corporation) ४३ कर्मचारी आणि अधिकारी सेवानिवृत्त झाले. या कर्मचाऱ्यांसाठी महानगपालिका कामगार कल्याण विभाग (PMC Labour Welfare Department) च्या वतीने सेवापूर्ती समारंभ आयोजित करण्यात आला होता. (PMC Pune)
या समारंभास प्रमुख पाहुणे म्हणून प्रसिद्ध व्याख्याते डॉ. श्री. दिनेश ललवानी (Dr.Dinesh Lalwani) उपस्थित होते. श्री. नितीन केंजळे, मुख्य कामगार अधिकारी (Nitin Kenjale PMC) यांनी कार्यक्रमाच्या प्रस्तावनेवर बोलताना सेवकांच्या भविष्यात मिळणाऱ्या रकमा, गुंतवणूक व नियोजन याची सविस्तर माहिती दिली व शुभेच्छा दिल्या. तदनंतर श्री. अशोक धर्मा लांडगे प्रशासन अधिकारी या सेवानिवृत्त होणाऱ्या अधिकाऱ्यांनी आपले मनोगत व्यक्त केले.
या कार्यक्रमास प्रमुख पाहुणे म्हणून लाभलेले डॉ. दिनेश ललवानी यांनी निवृत्त सेवकांना मार्गदशनपर बोलताना आपण नेहमी खुश राहिले पाहिजे, आपण आज सेवानिवृत्त होत नाहीत तर आपली दुसरी आवृत्ती सुरू होत आहे, आपण नेहमी कामात व्यस्त राहिले पाहिजे असे नमूद केले. प्रत्येकाने स्वच्छंदी राहिल्याने आपले सर्व आजार उदा. बीपी, शुगर, मानसिक रोग, थायरॉईड इ. आपोआप बरे होतात असे नमूद करून सर्वाना भविष्यातील वाटचालीसाठी शुभेच्छा दिल्या.
प्रमुख पाहुण्यांच्या मार्गदर्शनानंतर सर्व सेवानिवृत्त अधिकारी / कर्मचारी यांना शॉल व स्मृतिचिन्ह देवून गौरविण्यात आले. कार्यक्रमाचे सूत्रसंचालन सौ.अलका जोशी यांनी केले.
