PMC Shikshan Sevak Bharti 2024 : पुणे महापालिकेच्या प्राथमिक शाळेत 619 शिक्षण सेवक पदांसाठी भरती!
शिक्षण विभाग प्राथमिक, पुणे महानगरपालिका संचालित मराठी अनुदानित, उर्दू अनुदानित व इंग्रजी माध्यमासाठी पुणे महानगरपालिकेच्या अंदाजपत्रकात जमा होणाऱ्या रक्कमेतून चालविल्या जात असलेल्या प्राथमिक शाळांसाठी शिक्षण सेवक पदाच्या नेमणुका करावयाच्या आहेत. मराठी माध्यम एकूण पदे – ३७८, उर्दू माध्यम पदे- ४३ व इंग्रजी माध्यम पदे १९८ संवर्ग निहाय पदाचा तपशील पवित्र पोर्टलवर प्रसिद्ध करण्यात आलेला आहे. (Pune Municipal Corporation Teacher Recruitment 2024)
संपूर्ण जाहिरातीचा तपशील अधिक माहितीसाठी शासनाच्या https://tait2022.
mahateacherrecruitment.org.in पवित्र पोर्टलवरील या संकेतस्थळावर उपलब्ध करून देण्यात आले आहे. या रिक्त पदासाठी शालेय शिक्षण व क्रीडा विभागाकडून वेळोवेळी विहित केलेली शैक्षणिक व व्यावसायिक पात्रता आवश्यक आहे. वरील पात्रतेच्या उमेदवाराने आपली पसंती / प्राधान्यक्रम पवित्र पोर्टलवर विहीत कालावधीत नोंदवावा. तसेच पवित्र पोर्टलवरील सूचनेप्रमाणे आवश्यक ती कार्यवाही वेळोवेळी करावी. असे आवाहन पुणे महापालिका शिक्षण विभागाच्या वतीने करण्यात आले आहे.
पुणे महापालिका शिक्षण सेवक पदासाठी वर्तमानपत्रात प्रसिद्ध करण्यात आलेली जाहिरात
