Wagholirescueupdate | एस.टी.पी टॅंक मध्ये पडुन 3 कामगारांचा मृत्यू
वाघोली ( पुणे) | शुक्रवारी पहाटेच्या सुमारास एस.टी.पी टॅंक चे काम चालू असतांना 3 कामगारांचा टॅंक मध्ये पडून दुर्दैवी मृत्यू झाल्याची घटना घडली आहे.
अग्निशमन दलाच्या माहितीनुसार सोलासिया सोसायटी फेज-२ वाघोली पुणे येथे नितीन प्रभाकर गोंड वय-४५ ( बुलढाणा) , सतिशकुमार चौधरी वय-३५ ( उत्तर प्रदेश) तसेच गणेश पालेकराव वय-२८ ( नांदेड)या कामगाराचा मृत्यू झाल्याची घटना घडली आहे.
गजानन कुरमभट्टी हे ठेकेदार असून पहाटे ०६.०० च्या सुमारास टॅंक चे काम चालू असतांना टॅंक मध्ये पडल्याने स्थानिकांनी पुणे महानगर प्रदेश विकास प्राधिकरण ( PMRDA) वाघोली अग्निशमन केंद्र येथे सकाळी ०७:०० वा कळवण्यात आले .
अग्निशमन दलाला माहिती मिळतात अग्निशमन दलाचे केंद्र अधिकारी श्री विजय महाजन. वाहन चालक – नितीन माने, संदीप शेळके फायरमन- चेतन खमसे , मयूर गोसावी , तेजस डांगरे , विकास पालवे, अभिजीत दराडे , अक्षय बागल हे तात्काळ घटनास्थळी रवाना होऊन अथक प्रयत्नानंतर तीन मृत व्यक्तींना बाहेर काढण्यात आले आहे.
