Pune PMC News | ईगल व सिंग सिक्युरिटी कंपनी कडून दोन महिन्यापासून कंत्राटी सुरक्षा रक्षकांचे पगार प्रलंबित | महापालिकेत कंत्राटी सुरक्षा रक्षकांचे ठिय्या आंदोलन
PMC Pune – (The Karbhari News Service) – पुणे मनपा मधील कंत्राटी सुरक्षा रक्षकांचे ईगल कंपनी व सिंग सिक्युरिटी कडून गेल्या दोन महिन्यापासून पगार प्रलंबित आहेत. या संदर्भामध्ये राष्ट्रीय मजदूर संघाचे अध्यक्ष कामगार नेते सुनील शिंदे यांच्या नेतृत्वाखाली आज पुणे मनपा मध्ये या आंदोलन करण्यात आले. या आंदोलनाची दखल घेऊन पुणे मनपाचे अतिरिक्त आयुक्त यांनी आंदोलन कर्त्या कामगार प्रतिनिधींची बैठक घेतली व मागण्यांचे निवेदन स्वीकारले. या संदर्भामध्ये लवकरच आपण पुणे मनपाच्या आयुक्त यांच्यासमोर बैठक घेऊन कंत्राटी कामगारांचे प्रश्न सोडवू असे आश्वासन दिले. अशी माहिती राष्ट्रीय मजदूर संघाचे अध्यक्ष कामगार नेते सुनील शिंदे यांनी दिली. (Pune Municipal Corporation – PMC)
त्यानंतर राष्ट्रीय मजदूर संघटनेचे अध्यक्ष व कामगार नेते सुनील शिंदे व कंत्राटी कर्मचारी यांनी मुख्य कामगार अधिकारी नितीन केंजळे यांच्या दालनात आंदोलन केले.
जून महिन्याचे वेतन येत्या काही दिवसात खात्यात जमा होईल असं व्यवस्थापनाने सांगितलं आहे.
जर जून महिन्याचा वेतन जमा झाले नाही तर निदर्शने आंदोलन संघटनेद्वारे आयुक्तांच्या दालनात करणार असा इशारा कामगार नेते व अध्यक्ष सुनील शिंदे यांनी यावेळी दिला.
या ठिय्या आंदोलनात संघटनेचे उपाध्यक्ष सीताराम चव्हाण, सरचिटणीस एस के पळसे, सुरक्षा प्रतिनिधी विजय पांडव, उज्वल साने, गुरुनाथ बिराजदार, अरविंद आगम, जानवी दिघे, सचिन घोरपडे, प्रकाश इंदोरीकर, दिपाली कांबळे उपस्थित होते.
COMMENTS