Pune PMC News | पुणे महापालिका सर्व श्रेणीतील कर्मचाऱ्यांना २५ लाखांचा समूह अपघात विमा! | मुख्य कामगार अधिकाऱ्यांचे परिपत्रक जारी
PMC Accident Insurance | (The Karbhari News Service) – पुणे महापालिकेच्या (Pune Municipal Corporation -) वतीने कर्मचाऱ्यांसाठी समूह अपघात विमा योजना (PMC Group Accident Insurance Scheme) चालवली जाते. पूर्वी कर्मचाऱ्याकडून 136 रुपये घेऊन 10 लाखाचा विमा उतरवला जायचा. नंतर रक्कम वाढवली होती. मात्र यात दुजाभाव केला असल्याची कर्मचाऱ्यांची भावना होती. कारण वर्ग-१ साठी २५ लाख, वर्ग-२ साठी २० लाख, वर्ग-३ व ४ साठी १५ लाख इतका विमा असेल. 3-4 वर्गातील कर्मचाऱ्यांनाच याची खरी गरज असते. असे असतानाही त्यांनाच कमी रक्कम ठेवली होती. योजना ही कर्मचाऱ्यांसाठी आहे कि विमा कंपनीच्या लाभासाठी असाही प्रश्न कर्मचाऱ्यांनी उपस्थित केला होता आणि कर्मचाऱ्यांनी नाराजी दर्शवत यात समानता आणण्याची मागणी केली होती. त्यानुसार १ ते ४ वर्गातील सर्वच कर्मचाऱ्यांना २५ लाखांचा विमा असणार आहे. त्यासाठी अवघ्या ४४७ रुपयांची कपात केली जाणार आहे. महापालिका आयुक्त यांनी याला मान्यता दिली आहे. त्यानुसार आता कामगार विभागाने या बाबतचे परिपत्रक जारी केले आहे. (PMC Accident Insurance)
– सर्व अधिकारी आणि कर्मचाऱ्यांसाठी लागू योजना
महापालिकेच्या (PMC Pune) विविध विभागात अनेक कर्मचारी (PMC Pune Employees) काम करतात. जवळपास 20 हजार कर्मचारी आहेत. शहराच्या सर्व विकासकामांची जबाबदारी त्यांच्याकडे आहे. यामध्ये अ गटातील अधिकाऱ्यांसह ड गटातील कर्मचाऱ्यांचाही समावेश आहे. या कामगारांच्या सुरक्षिततेसाठी पालिकेकडून विविध योजना (PMC Services) दिल्या जातात. आतापर्यंत पालिकेकडून कामगारांना अपघात विमा दिला जात नव्हता. परंतु 2016-17 पासून महापालिकेच्या अधिकारी व कामगारांना विमा संरक्षण मिळत आहे. कारण जेव्हा एखादा कामगार अपघाताला बळी पडतो तेव्हा त्याचे आयुष्य पूर्णपणे उद्ध्वस्त होते. अनेकांना आपले दोन्ही हात आणि पाय गमवावे लागतात, काहींना डोळे गमवावे लागतात. यामुळे हे लोक काम करण्यास सक्षम राहत नाहीत. अशा कामगारांना पालिका विम्याच्या माध्यमातून आधार देत आहे. अशा प्रकारची योजना राज्य सरकारने आपल्या कर्मचाऱ्यांसाठी उपलब्ध करून दिली आहे. याअंतर्गत पालिका कर्मचाऱ्यांना 10 लाखांचा विमा मिळत होता. जे कायमचे अपंग असतील, त्यांना या योजनेचा 100 टक्के लाभ दिला जातो. कारण अपंगत्वाच्या प्रकारानुसार त्याचा लाभ कामगारांना मिळ आहे. पालिकेत काम करणाऱ्या अ गटातील अधिकाऱ्यांपासून ते ड गटातील कर्मचाऱ्यांना या योजनेचा लाभ मिळतो. यासाठी या कामगारांना त्यांच्या पगारातून दरमहा केवळ १३६ रुपये द्यावे लागत होते. महापालिका प्रशासनाने २०१६-१७ या वर्षापासून या योजनेची अंमलबजावणी सुरू केली होती. (PMC Accident Insurance News)
परिपत्रकानुसार ही विमा पॉलिसी वर्षभरात जगभरात कुठेही अपघात झाला तरी वापरता येणार आहे. या पॉलिसीची मुदत ३० जानेवारी २०२५ ते २९ जानेवारी २०२६ अशी असणार आहे. या योजनेचा लाभ घेण्यासाठी अपघात झाल्यास ३० दिवसांच्या आत कळवणे आवश्यक आहे. तशा सूचना दिल्या गेल्या आहेत. यात संबंधित खात्यांची भूमिका महत्वाची असणार आहे.
—-
समूह वैयक्तिक अपघात विमा योजना पुणे महानगरपालिका अधिकारी कर्मचारी यांचे करिता कार्यान्वित करण्यात आली आहे. या विमा योजनेमुळे अपघातग्रस्त कर्मचाऱ्यांना 25 लाखापर्यंत आर्थिक लाभ मिळणार आहे. कर्मचाऱ्यांना आवाहन करण्यात येते की कोणत्याही अधिकारी/ कर्मचाऱ्यांचा अपघात झाल्यास त्याची तात्काळ माहिती कामगार कल्याण विभागाकडे करणे आवश्यक आहे. जेणेकरून अपघात ग्रस्त व्यक्तीस व कुटुंबियांना योजनेचा लाभ तात्काळ उपलब्ध करून देण्यामध्ये मदत होईल.
– नितीन केंजळे, मुख्य कामगार अधिकारी.
COMMENTS