Pune PMC JE Recruitment | राज्य सरकारच्या मार्गदर्शना अभावी दिड वर्षापासून थांबलीय कनिष्ठ अभियंता सरळसेवा भरती प्रक्रिया!
| अर्ज केलेल्या २७८७९ उमेदवारांचे काय होणार?
| महापालिकेला मार्गदर्शन मिळत नसल्याने वयाची अडचण ठरत असलेले उमेदवार मात्र हवालदिल
PMC Junior Engineer Recruitment – (The Karbhari News Service) – पुणे महानगरपालिके कडून कनिष्ठ अभियंता (स्थापत्य) वर्ग-३ मधील रिक्त पदे सरळसेवेने भरणेसाठी ९ जानेवारी २०२४ रोजी जाहिरात प्रसिद्ध करण्यात आली होती. मात्र या प्रक्रिये मराठा आरक्षणचा मुद्दा ऐरणीवर आला होता. त्यामुळे महापालिका प्रशासनाने सरकारकडे मार्गदर्शन मागवले होते. सरकारने आदेशित केले होते कि एसईबीसी वर्षासाठी आरक्षण निश्चित करून पुनः नव्याने जाहिरात प्रसिद्ध करावी. मात्र आधी जाहिरात प्रसिद्ध केल्यानंतर आणि त्यासाठी २७८७९ उमेदवारांनी केलेल्या अर्जांचे काय करायचे? याबाबत सरकारने अद्याप कोणताही निर्णय घेतला आहे. दरम्यान याबाबत महापालिका प्रशासनाने यातील वय उलटून गेलेल्या उमेदवारांना अर्ज करण्यासाठी संधी देण्यात यावी, अशा आशयाचे पत्र नगर विकास विभागाच्या प्रधान सचिवांना पाठवले आहे. मात्र अद्याप कुठले उत्तर महापालिकेला मिळाले नाही. त्यामुळे महापालिका आणि उमेदवार दोघे हतबल दिसून येत आहेत. (Pune Municipal Corporation – PMC)
पुणे महापालिकेने (Pune Municipal Corporation (PMC) तिसऱ्या टप्प्यातील भरती (PMC Recruitment 2024) प्रक्रिया सुरु केली होती. 113 पदांसाठी भरती करण्यात येणार आहे. याआधी पहिल्या टप्प्यात 448 तर दुसऱ्या टप्प्यात 320 पदांसाठी भरती प्रक्रिया राबवली होती. महापालिकेने तिसऱ्या टप्प्याची प्रक्रिया सुरु केली आहे. या पदांमध्ये कनिष्ठ अभियंता (Junior Engineer) (स्थापत्य), यांचा समावेश आहे.
IBPS या संस्थेकडून उमेदवारांचे अर्ज १६ जाने २०२४ ते ५ फेब्रुवारी २०२४ दरम्यान ऑनलाईन पद्धतीने मागविण्यात आले होते. कनिष्ठ अभियंता (स्थापत्य) या ११३ पदांसाठी एकूण २७८७९ उमेदवारांचे अर्ज प्राप्त झाले आहेत. दरम्यान मराठा आरक्षण चा मुद्दा ऐरणीवर आल्यानंतर महाराष्ट्र शासनाने सामाजिक व शैक्षणिकदृष्ट्या मागासवर्गाकरिता आरक्षणाच्या तरतुदी शासन निर्णय दिनांकापासून सरळसेवा भरतीसाठी लागू केल्या होत्या. आल्या. त्यामुळे या प्रक्रिये बाबत महापालिकेने राज्य सरकारचे मार्गदर्शन घेतले होते. नगर विकास विभाग यांचेकडून मिळालेल्या मार्गदर्शन नुसार “पुणे महानगरपालिकेच्या अखत्यारीतील कनिष्ठ अभियंता स्थापत्य (वर्ग-३) या पदासाठीच्या पदभरतीच्या अनुषंगाने महाराष्ट्र राज्यातील सामाजिक व शैक्षणिकदृष्ट्या मागासवर्गाकरिता आरक्षण अधिनियम २०२४ नुसार सदर जाहिरातीमधील १०% निश्चित करून घ्यावी व त्यानुसार पदे एसईबीसी वर्गासाठी निश्चित करून, सुधारित आरक्षणासहीत जाहिरात पुनश्च प्रसिद्ध करून भरती प्रक्रिया राबविण्यात यावी”. असे म्हटले होते.
प्राप्त मार्गदर्शनानुसार महापालिकेने कनिष्ठ अभियंता (स्थापत्य) वर्ग-३ या पदाची भरती प्रक्रिया स्थगित करून बिंदुनामावली नोंदवही विभागीय आयुक्त कार्यालय, पुणे विभाग, पुणे मागासवर्ग कक्ष यांचेकडे तपासणी करणेसाठी पाठविण्यात आली होतीं. त्यानुषंगाने विभागीय आयुक्त कार्यालय, पुणे विभाग, पुणे मागासवर्ग कक्ष यांचेकडून बिंदुनामावली तपासणीअंती प्राप्त झाल्यानुसार सद्यस्थितीत १७१ पदे रिक्त आहेत. त्यापैकी ०९ जानेवारी २०२४ रोजी प्रसिद्ध करण्यात आलेल्या जाहिरातीमध्ये तत्कालीन रिक्त पदांच्या अनुशेष मिळून ११३ पदांसाठी जाहिरात प्रसिद्ध करण्यात आली होती. सदर जाहिरातीस एक वर्ष उलटून गेले आहे.
सबब बिंदुनामावली नोंदवही नुसार उपलब्ध पद संख्येच्या अनुषंगाने सुधारित नवीन जाहिरात प्रसिद्ध करणे बाबत महापालिका आयुक्त यांचेकडे चर्चा झाली आहे. त्यानुसार राज्य सरकार कडे मार्गदर्शन मागवण्यात आले. त्यात म्हटले आहे की, जाहिरातीच्या अर्ज सादर करावयाच्या अंतिम दिनांकास जे उमेदवार पात्र होते परंतु एक वर्ष कालावधी उलटून गेल्याने जे उमेदवार सुधारित नवीन जाहिरातीनुसार अर्ज सादर करण्यास सद्यस्थितीत वयाधीक ठरत असल्याने अर्ज सादर करण्यास अपात्र ठरतील, अशा उमेदवारांबाबत प्रशासन स्तरावरील तांत्रिक अडचण लक्षात घेता प्रसिद्ध केलेल्या जाहिरातीतील एकूण २७८७९ उमेदवारांना अर्ज दाखल करण्यासाठी शासन निर्णय २५/०४/२०१६ नुसार विहित केलेल्या खुल्या प्रवर्गातील उमेदवारांसाठी कमाल वयोमर्यादा ३८ वर्षे व मागासवर्गीय उमेदवारांसाठी ४३ वर्षे वयोमर्यादेत तांत्रिक विलंबाचा कालावधी क्षमापित करून अर्ज सादर करण्यास संधी द्यावी. मात्र सरकारचा अजून कुठलाही प्रतिसाद मिळालेला नाही. त्यामुळे महापालिका प्रशासन देखील हतबल झाले आहे.
COMMENTS