Pune Grand Tour 2026 | पुणे महापलिका पथ विभागाचे पुणेकर नागरिकांना आवाहन
Aniruddha Pawaskar PMC – (The Karbhari News Service) – पुणे शहरात जगतिक दर्जाची सायकल स्पर्धा होणार आहे. त्यासाठी स्पर्धेच्या मानांकन प्रमाणे रस्ते तयार करण्यात येणार आहेत. त्यामुळे अनेक रस्त्यांवर खरवडण्यात (milling) येत आहे. रस्ते खरवडून झाल्यानंतर त्यावर त्वरित डांबर काम करण्यात येत आहे. या रस्त्यांवरून वाहने चालवताना नागरिकांनी सुरक्षितपणे आणि जपून वाहने चालवावीत. असे आवाहन पथ विभागाचे मुख्य अभियंता अनिरुद्ध पावसकर यांनी केले आहे. (PMC Road Department)
पुणे शहरामध्ये १९ जानेवारी ते २३ जानेवारी २०२६ या दरम्यान जागतिक दर्जाची सायकल स्पर्धा होणार आहे. यामध्ये देश विदेशातील अनेक सायकलपटू सहभागी होणार आहेत. पुणे शहरामध्ये एकूण ७५ किलोमीटर लांबी च्या रस्त्यांवर ही स्पर्धा होणार आहे. या स्पर्धेच्या निमित्ताने पुणे शहर सायकलिंगच्या दृष्टीने आंतरराष्ट्रीय नकाशावर जाणार आहे. या ७५ किलोमीटर लांबीच्या रस्त्यांचे काम पुणे महानगरपालिकेने नुकतेच हाती घेतलेले आहे. जागतिक सायकल स्पर्धेच्या मानकांप्रमाणे सदरचे रस्ते करणे गरजेचे आहे. यासाठी अनेक रस्त्यांवर खरवडण्यात (milling) येत आहे. रस्ते खरवडून झाल्यानंतर त्यावर त्वरित डांबर काम करण्यात येत आहे. या रस्त्यांवरून वाहने चालवताना नागरिकांनी सुरक्षितपणे आणि जपून वाहने चालवावीत. अत्यंत अल्पकाळासाठी नागरिकांना थोड्या असुविधांचा सामना करावा लागणार आहे. तरी सर्व नागरिकांनी सहकार्य करावे. असे पावसकर यांनी म्हटले आहे.
COMMENTS