PMPML Ticket Price Hike | पीएमपीच्या सुधारित तिकीट दराची अंमलबजावणी १ जून पासून | पीएमपी प्रशासनाचा निर्णय
PMPML Pune – (The Karbhari News Service) – पुणे महानगर परिवहन महामंडळार्माफत पुणे व पिंपरी चिंचवड शहर आणि पीएमआरडीए कार्यक्षेत्रात प्रवाशांकरीता बससेवा पुरविण्यात येते. परिवहन महामंडळाच्या बस संचलनामध्ये व प्रशासकीय कामकाजाच्या सोयीच्या दृष्टीने सुसूत्रता येणेकामी महाराष्ट्र शासनाच्या दिनांक ३१/०३/२०१८ रोजीच्या राजपत्रानुसार व राज्यातील महाराष्ट्र राज्य परिवहन महामंडळ, बेस्ट परिवहन उपक्रम व नागपूर शहर बससेवा यांनी केलेल्या तिकिट दरवाढीच्या धर्तीवर परिवहन महामंडळाने कि.मी. आधारित स्टेज रचनेत सहरचना करून ५ व १० कि.मी. अंतराने बस संचलनाचे १ ते ८० कि.मी. करीता ११ स्टेज करण्यास व त्या अनुषंगाने तिकिट व विविध पासेसचे सुधारित दर लागू करणेस संचालक मंडळ व प्रादेशिक परिवहन प्राधिकरण, पुणे यांनी मान्यता दिलेली आहे. त्या अनुषंगाने सुधारित स्टेज रचनेनुसार तिकिट व विविध पासेसच्या सुधारित दराची अंमलबजावणी दिनांक ०१/०६/२०२५ रोजीच्या पहाटे पासून करण्यात येणार आहे. (Pune PMP News)
– ज्या पासधारकांकडे मासिक पास रूपये ९००/- (एका मनपा हद्दीकरीता) असलेल्या पासेसची वैधता ही परिवहन महामंडळाने सुधारित पास दराने लागू केलेल्या दिनांक ०१/०६/२०२५ पासून पुढील दिनांकापर्यंत असल्यास त्या दिनांकापर्यंतच जुन्या पासधारकांना (एकाच मनपा हद्दीत) प्रवास करता येईल.
– ज्या पासधारकांकडे मासिक पास रूपये १२००/- (दोन्ही मनपा हद्दीकरीता) असलेल्या पासेसची वैधता ही परिवहन महामंडळाने सुधारित पास दराने लागू केलेल्या दिनांक ०१/०६/२०२५ पासून पुढील दिनांकापर्यंत असल्यास त्या दिनांकापर्यंतच जुन्या पासधारकांना (दोन्ही मनपा हद्दीत) प्रवास करता येईल.
– विद्यार्थ्यांसाठी असणारा मासिक, तिमाही, सहामाही व वार्षिक पास तसेच विद्यार्थी पंचिंग पास अंतरानुसार दर आकारणी (५० टक्के सवलत) जुन्या दराने आकारणी करणेत येणार आहे.
– ज्येष्ठ नागरिक दैनंदिन व मासिक पास तसेच पीएमआरडीए च्या मासिक पास दरात कोणताही बदल करणेत आलेला नाही.
बदलाची नोंद घेवून प्रवाशी नागरिकांनी कंडक्टर सेवकांना सहकार्य करावे, असे आवाहन परिवहन महामंडळाकडून करणेत येत आहे.
COMMENTS