Khadakwasla Dam | खडकवासला प्रकल्पातील ४ धरणे ७५ टक्के क्षमतेने भरली | ६ वाजल्या पासून खडकवासला मधून ४० हजार क्युसेक पाण्याचा विसर्ग
Khadakwasla Dam Chain | Pune Rain Update – पुणे शहर (Pune city) आणि खडकवासला धरण साखळी (Khadakwasla Chain Project) प्रकल्पात गेल्या काही दिवसांपासून जोरदार पाऊस (Pune Rain) सुरु आहे. यामुळे धरणाच्या पाणीसाठ्यात वाढ झाली आहे. दरम्यान खडकवासला प्रकल्पातील पुणे शहराला पाणीपुरवठा करणारी ४ धरणे ७५% क्षमतेने भरली आहेत. दरम्यान पावसाचा जोर पाहून खडकवासला धरणातून ६ वाजल्या पासून ४० हजार क्युसेक पाण्याचा विसर्ग सुरू केला आहे. (Pune News)
खडकवासला धरणाच्या सांडव्यावरून मुठा नदी पात्रामध्ये सुरू असणारा 15000क्युसेक्स विसर्ग वाढवून करून सं 6.00वा. 40000 क्यूसेक्स* करण्यात येत आहे. आवश्यकतेनुसार बदल संभवू शकतो. तसेच पावसाच्या प्रमाणानुसार व येव्यानूसार विसर्ग पुन्हा कमी/जास्त करण्याची शक्यता आहे. असे पाटबंधारे विभागाकडून सांगण्यात आले.
खडकवासला मधून आतापर्यंत १.३ टीएमसी पाणी सोडण्यात आले
खडकवासला धरण साखळीतील 4 धरणांत सद्यस्थितीत २२.०३ टीएमसी म्हणजे ७६.५७% इतके पाणी आहे. त्यापैकी खडकवासला धरणांत (Khadakwasla Dam) १.९४ टीएमसी म्हणजे ९८%, पानशेत धरणांत (Panshet Dam) ८.६९ टीएमसी म्हणजे ८१.६२% वरसगाव धरणांत (Varasgaon Dam) ८.९१ टीएमसी म्हणजे ६९.४८% तर टेमघर धरणांत (Temghar Dam) २.४९ टीएमसी म्हणजे ६७.०८ इतके पाणी आहे. मागील वर्षी याच दिवसांत १७.८४ टीएमसी म्हणजे ६१.२०% इतके पाणी चार धरणांत होते. (Pune Rain Update)
दरम्यान रात्री पाणी जास्त सोडले जाऊ नये यासाठी सायंकाळी ६ वाजता खडकवासला धरणातून ४० हजार क्युसेक पाण्याचा विसर्ग सुरू करण्यात आला आहे.
तर जून महिन्यापासून आतापर्यंत खडकवासला धरणातून १.३ टीएमसी पाणी मुठा आणि मुळा नदीच्या माध्यमातून कालव्यात सोडण्यात आले आहे. अशी माहिती पाटबंधारे विभागाच्या वतीने देण्यात आली.
—-
