Ghanbhatta Varas Hakka Case | घाणभत्ता वारस हक्काची सुनावणी पुन्हा लांबणीवर! | नवीन सुनावणी आता 6 मे ला
Aurangabad High Court – (The karbhari news Service) – घाणकाम भत्ता वारसा हक्क केसची सुनावणी पुन्हा लांबणीवर पडली आहे. घाणभत्ता (Ghanbhatta Allowance) अबाधित राहिलाच पाहिजे, या मागणीकरता मुंबई उच्च न्यायालयाच्या औरंगाबाद बेंचसमोर (Aurangabad High Court) याचिका दाखल करण्यात आली आहे. उच्च न्यायालयाने सुनावणीसाठी 16 एप्रिल तारीख दिली होती. मात्र त्यावेळी सुनावणी होऊ शकली नाही. आता नवीन सुनावणी 6 मे ला होणार आहे. अशी माहिती महापालिका कामगार युनिअन च्या वतीने देण्यात आली.
घाणकाम भत्ता वारसा अधिकार कायम रहावा. या मागणीकरता महाराष्ट्र सरकारने ठाम व परीणामकारक भूमिका घ्यावी म्हणून याचिका दाखल करण्यात आली आहे. २४ फेब्रुवारी २०२३ रोजी शासनाने जाहीर केलेल्या निर्णयाची स्थगिती उठवावी व घाणीत काम करणाऱ्या कष्टकरी कामगारांची आर्थिक, शैक्षणिक, सामाजिक उन्नती अजूनही मोठ्या प्रमाणात झालेली नाही. याची दखल शासन दरबारी असलेल्या प्रतिनिधींनी घ्यावी व यावरची स्थगिती तात्काळ उठवावी. अशी मुख्य मागणी आहे. दरम्यान घाणभत्ता वारस केस मुंबई उच्च न्यायालयाच्या औरंगाबाद बेंचसमोर प्रलंबित आहे. (Ghanbhatta Varas Hakk)
16 एप्रिल रोजी घाणभत्ता वारस हक्क संबंधित मुंबई उच्च न्यायालयाच्या औरंगाबाद खंडपीठासमोर सुनावणी होणार होती. त्या दिवशी घाणभत्ता वारस केस सुनावणी करिता बोर्डावर होती. परंतु वेळेअभावी सुनावणी झालेली नाही. आता 6 मे ला सुनावणी आहे. केस बोर्डवर आणण्यासाठी संघटना प्रयत्नशील आहे. असे युनियन च्या वतीने सांगण्यात आले.
