राष्ट्रवादी युवक काँग्रेस च्या सदस्य नोंदणी अभियान रथ मोहिमेला नागरिकांचा उदंड प्रतिसाद | २५८ जणांनी केली नोंदणी
राष्ट्रवादी युवक काँग्रेसच्या वतीने सभासद नोंदणी अभियान रथ मोहिमेचे आयोजन करण्यात आले होते. ही मोहीम कोथरूड विभागात ७ ठिकाणी राबविण्यात आली. या सर्व भागात सदस्य नोंदणीला उत्तम प्रतिसाद लाभला. राष्ट्रवादी युवक काँग्रेस कोथरूड विधानसभा मतदारसंघाचे अध्यक्ष गिरीश गुरनानी यांच्या नेतृत्वाखाली हा उपक्रम राबविण्यात आला.
मोहिमेचे उद्घाटन राष्ट्रवादी काँग्रेस कोथरूड विधानसभा मतदारसंघाचे अध्यक्ष हर्षवर्धन मानकर, राष्ट्रवादी युवक काँग्रेसचे पुणे शहर अध्यक्ष किशोर कांबळे यांनी केले. यावेळी राष्ट्रवादी युवक काँग्रेस पुणे शहरचे कार्याध्यक्ष अजिंक्य पालकर आणि मनोज पाचपुते उपस्थित होते.
कोथरूड विधानसभा मतदारसंघात पक्ष संघटना अधिक मजबूत करणे, पुरोगामी विचारांचा वारसा असणाऱ्या राष्ट्रवादी पक्षाचा विस्तार करणे हा या अभियानामागील उद्देश होता असे राष्ट्रवादी युवकचे कोथरूड अध्यक्ष गिरीश गुरनानी यांनी सांगितले.
सभासद नोंदणी अभियान रथ कोथरूड विभागात विविध मध्यवर्ती भागात फिरविण्यात आला. त्यामध्ये भारती विद्यापीठ चौक केळेवाडी, वनाज कॉर्नर, सागर कॉलनी, शिवांजली मित्र मंडळ शास्त्रीनगर, कोथरूड डेपो चौक, गोसावी वस्ती, डी मार्ट चौक करणारा आणि कर्वेनगर चौकात या सभासद अभियान रथाच्या माध्यमातून २५८ जणांनी नोंदणी केली अशी माहिती युवक अध्यक्ष गिरीश गुरनानी यांनी दिली.
या अभियान रथाचे नेतृत्व प्रत्येक चौकात विविध कार्यकर्त्यांनी केली त्यामध्ये स्वप्नील दादा दुधाने,सुशांत काळभोर, तेजस बनकर, पृथ्वी दहिवाल, आशिष शिंदे,लखन सौदागर सूरज गायकवाड, अनमोल केमसे, दिनेश भगत, अमित गोडंबे, मोहित बराटे आणि बंटी शेठ तांबे यांचे मोलाचे सहकार्य लाभले असे गिरीश गुरनानी म्हणले.
