भाजपने शहरात केलेल्या जाहिरातीवर महापुरुषाचे फोटो नसल्याने राष्ट्रवादी कॉंग्रेस सहित विरोधी नेत्यांचे चे मुख्य सभेत आंदोलन
: तर गणेश बिडकर यांनी विरोधी पक्षाची बोलती केली बंद; म्हणाले हे आंदोलन निव्वळ प्रसिद्धीसाठी
पुणे : १९ डिसेंबर रोजी पुणे महापालिकेत छत्रपती शिवाजी महाराजांच्या पुतळ्याच्या भूमिपूजन सोहळ्यासाठी तसेच महापालिकेत नव्याने बसवलेल्या भारतरत्न डॉक्टर बाबासाहेब आंबेडकर यांच्या पुतळ्याच्या उद्घाटनासाठी देशाचे गृहमंत्री अमित शहा येत आहेत. या कार्यक्रमाची जाहिरात म्हणून सत्ताधारी भाजपने संपूर्ण शहरभरात मोठे मोठे होर्डिंग लावले. परंतु या होर्डिंग्जवर कुठेही छत्रपती शिवाजी महाराज तसेच भारतरत्न डॉक्टर बाबासाहेब आंबेडकर यांचे फोटो भारतीय जनता पार्टीने लावले नाही. त्याऐवजी भाजपच्या नेत्यांचे मोठे मोठे फोटोज या बॅनर वरती लावलेले आहेत. त्यामुळे कॉंग्रेस आणि राष्ट्रवादी काँग्रेस, मनसे, पार्टीतर्फे महापुरुषांचा फोटो न लावणाऱ्या भारतीय जनता पार्टीचा पुणे महानगरपालिकेच्या सर्वसाधारण सभेत जाहीर निषेध करण्यात आला. शिवाय आंदोलन देखील करण्यात आले. मात्र त्याच वेळी आपल्या भाषणातून सभागृह नेते गणेश बिडकर यांनी देखील जुने दाखले देत विरोधी पक्षाची बोलती बंद केली. विशेष म्हणजे या बाबत निषेधाची तहकुबी देण्याचा राष्ट्रवादी चा प्रयत्न फसलेला दिसून आला.
: करणी आणि कथनी यात फरक – प्रशांत जगताप
शुक्रवार ची सभा सुरु झाल्याबरोबर कॉंग्रेस आणि राष्ट्रवादी कॉंग्रेस च्या या विषयावरून आंदोलनाला सुरुवात केली. यावेळी बोलताना राष्ट्रवादी काँग्रेस पार्टीचे शहराध्यक्ष प्रशांत जगताप यांनी भाजपला या प्रकारा बाबत माफी मागण्यास सांगितले. जगताप म्हणाले कि, “या प्रकारातून भाजपचा खरा चेहरा डोळ्यासमोर आला आहे . भारतीय जनता पार्टीला महापुरुषांची आठवण केवळ मते मागताना येते. भाजपच्या नेत्यांच्या मनात या महापुरुषांबद्दल आदत नसल्याचे या प्रकारातून उघड झाले आहे. त्यांची करणी आणि कथनी यात असलेला फरक् यातून दिसून येतो”.
: आंदोलन निव्वळ प्रसिद्धीसाठी – गणेश बिडकर
या विषयावरून गणेश बिडकर आपल्या भाषणात म्हणाले, महानगरपालिकेने वर्षानुवर्षे सत्ता असलेल्या राष्ट्रवादी काँग्रेस आणि काँगेसने त्यांच्या काळात छत्रपती शिवाजी महाराज तसेच भारतरत्न डॉ बाबासाहेब आंबेडकर यांचे पुतळे बसविण्याचा प्रयत्न केले नाहीत. केवळ महापुरुषांच्या नावाने राजकारण केले. अनेक वर्षे हातात सत्ता असतानाही आपल्याला जे जमले नाही ते भारतीय जनता पक्षाने करून दाखविले. याचे दुःख असल्याने हा खटाटोप सुरू आहे. या दोन्ही महपुरूषांचे पुतळे पालिकेत बसत असल्याने हा पालिकेच्या इतिहासातील सुवर्णदिवस आहे.
COMMENTS