Recruitment in PMC : महापालिकेत रिक्त पदे भरण्याबाबत विविध विभागांची अनास्था! : तीन महिने झाले तरी आवश्यक पदांची माहिती दिली नाही 

महापालिकेत रिक्त पदे भरण्याबाबत विविध विभागांची अनास्था!

: तीन महिने झाले तरी आवश्यक पदांची माहिती दिली नाही

पुणे : महापालिकेत पदभरती करण्यावर राज्य सरकार कडून निर्बंध लागू करण्यात आले होते. वेतनावरील खर्च नियंत्रित करण्यासाठी राज्य सरकारने 2 जून 2015 पासून हे निर्बंध लागू केले होते.  त्यामुळे महापालिकेतील विभिन्न विभागातील भरती प्रक्रिया रखडली होती. त्याचा ताण प्रशासकीय यंत्रणेवर जाणवत होता. मात्र सरकारने आता हे निर्बंध हटवले आहेत. नुकतेच सरकारने याबाबतचे आदेश जारी केले आहेत. त्यामुळे महापालिकेत पदभरती करण्याचा मार्ग मोकळा झाला आहे. त्यानुसार महापालिका प्रशासनाने देखील याबाबत हालचाली सुरु केल्या होत्या. सर्व विभागाकडून रिक्त पदाबाबत माहिती मागवली होती. मात्र तीन महिने उलटूनही अजून काही विभागांनी माहिती दिलेली नाही. खात्यांच्या या अनास्थेमुळे यावर कार्यवाही करण्यास उशीर होत आहे. त्यामुळे अजून एकदा ही माहिती सामान्य प्रशासन विभागाने सर्व खात्याकडून मागवली आहे.

: रिक्त पदे भरण्यास राज्य सरकारची मंजुरी

: 2015 पासून पदभरती नाही

: लवकरच होऊ शकते पदभरती

: २७ डिसेंबर ला मागवली होती माहिती

: पुन्हा एकदा माहिती मागवावी लागली