पहिल्या 6 महिन्यातच 28 कोटींची वसुली
| मालमत्ता व व्यवस्थापन विभागाची कारवाई
पुणे | महापालिकेच्या मालमत्ता आणि व्यवस्थापन विभागाच्या वतीने मोकळ्या तसेच बांधीव जागा भाड्याने दिल्या जातात. खाजगी संस्था तसेच सरकारी यंत्रणांना या जागा भाडे तत्वावर दिल्या जातात. मात्र त्यांच्याकाडून वसुली करताना खूप अडचणी येतात. मात्र यंदा विभागाने वसुली मोहीम राबवत चांगली वसुली केली आहे. विभागाने चालू आर्थिक वर्षात पहिल्या 6 महिन्यातच 28 कोटींची वसुली केली आहे. अशी माहिती विभागाच्या वतीने देण्यात आली.
पुणे महापालिकेच्या मालमत्ता व व्यवस्थापन विभागाच्या वतीने मिळकत वाटप नियमावली नुसार भाडेतत्वावर जागा दिल्या जातात. विभागाच्या वतीने गाळे, दुकाने तसेच बहुउद्देशीय हॉल भाड्याने दिले जातात. यांची संख्या 232 आहे. मोकळ्या जागा 1446 आहेत. खाजगी तसेच सरकारी संस्थांना या जागा भाडेतत्वावर दिल्या जातात. मात्र या संस्थांकडून वसुली करताना अडचणी येतात. मात्र विभाग प्रमुखांनी वसुली मोहीम राबवली आहे. त्यामुळे वसुली होताना दिसत आहे. कारण एप्रिल पासून आजपर्यंत 28 कोटी 57 लाखाची वसुली करण्यात आली आहे. मागील आर्थिक वर्षात विभागाने 38 कोटींची वसुली केली होती. यामध्ये पीएमपी कडून वसूल केलेल्या 8 कोटींचा देखील समावेश आहे. तर 2020-21 मध्ये 50 कोटींची वसुली केली होती.
कालावधी उत्पन्न
2016-17. 18 कोटी 89 लाख
2017-18. 16 कोटी 69 लाख
2018-19. 22 कोटी 10 लाख
2019-20. 15 कोटी 76 लाख
2020-21. 50 कोटी 13 लाख
2021-22. 38 कोटी 12 लाख
एप्रिल-सप्टें 22. 28 कोटी 57 लाख
