शिधापत्रिकाधारकांना जुलैच्या धान्यासोबत जूनच्या धान्याचे वितरण
पुणे : सार्वजनिक वितरण व्यवस्थेंतर्गत राष्ट्रीय अन्नसुरक्षा अधिनियम २०१३ अंतर्गत पुणे व पिंपरी-चिंचवड महानगरपालिका हद्दीमधील जून २०२२ चे धान्य न मिळालेल्या पात्र लाभार्थ्यांना जूनचे धान्य जुलै २०२२ च्या धान्यासह उपलब्ध करुन देण्यात आलेले आहे. महानगरपालिका हद्दीतील अंत्योदय अन्न योजना, प्राधान्य कुटुंबातील लाभार्थी व प्रधानमंत्री गरीब कल्याण योजनेमधील शिधापत्रिकाधारकांनी महानगरपालिकामधील ११ परिमंडळ कार्यालयांच्या अधिनस्त रास्त भाव दुकानदारांकडून ३० जुलैपर्यंत अन्नधान्याचा लाभ घ्यावा, असे अन्नधान्य वितरण अधिकारी कार्यालयाकडून कळविण्यात आले आहे.
