अतिक्रमण विभागाने 538 बेवारस गाड्या केल्या जप्त!
: बेवारस गाड्यावर जोरदार कारवाई
पुणे : महापालिकेच्या अतिक्रमण विभागाने शहरात बंद पडीक गाड्यांवर कारवाई सुरू करण्यात आलेली आहे. नोटीस सात दिवसांनंतर सदरच्या गाड्या जप्त करून उचलण्यात येत आहेत. त्यानुसार 7 डिसेंबर ते 25 जानेवारी पर्यंत 538 गाड्या जप्त करण्यात आल्या आहेत. तर 1445 नोटीस देण्यात आल्या आहेत. अशी माहिती अतिक्रण विभागाकडून देण्यात आली.
: 1445 नोटीस दिल्या
स्वच्छ सर्वेक्षण २०२२ च्या अनुषंगाने पुणे महानगरपालिका कार्यक्षेत्रामध्ये रस्ता पदपथावरील ना दुरुस्त,बंद, बेवारस, वाहनांवर आयुक्त ,माधव जगताप अतिक्रमण /अनधिकृत बांधकाम निर्मुलन विभाग यांचे नियंत्रणाखाली कारवाई कारवाई चालू आहे. या कारवाई मध्ये 25 जानेवारी अखेर दुचाकी-606, तीनचाकी-302, चारचाकी-533, चारचाकी च्या पुढे -४ अशा एकूण 1445 वाहनांना नोटीस देण्यात आली व एकूण 538 वाहने जप्त करण्यात आली आहेत. यामुळे जागा रिकामी होऊन स्वच्छ झाली आहे. असे अतिक्रमण विभागाच्या वतीने सांगण्यात आले.
COMMENTS