Pune Illegal Hoardings | शहरातील जवळपास २५०० अनधिकृत फ्लेक्स, बोर्ड, बॅनर वर कारवाई | उपायुक्त माधव जगताप यांची माहिती
Pune PMC News – (The Karbhari News Service) – महापालिकेच्या आकाशचिन्ह विभागाने शहरातील अनधिकृत फ्लेक्स, बोर्ड, बॅनर वर कारवाईचा धडाका सुरु केला आहे. त्यानुसार आज शहरातील जवळपास २५०० अनधिकृत फ्लेक्स बोर्ड बॅनर काढण्यात आलेले आहेत. अशी माहिती उपायुक्त माधव जगताप (Madhav Jagtap PMC) यांनी दिली. (PMC Sky Sign Department)
जगताप यांच्या माहितीनुसार पुणे शहरामध्ये आज रोजी अनधिकृत फ्लेक्स बोर्ड बॅनर काढण्याबाबत कारवाई पहाटे पाच वाजता सुरू करण्यात आलेली होती. कारवाई मध्ये १५ क्षेत्रीय कार्यालयाच्या हद्दीतील अनाधिकृत फ्लेक्स बोर्ड बॅनर काढण्यात आलेले आहेत. कारवाई पूर्ण वेळ सुरू असणार आहे. आज शहरातील जवळपास २५०० अनधिकृत फ्लेक्स बोर्ड बॅनर काढण्यात आलेले आहेत. यापुढे जे अनाधिकृत बोर्ड बॅनर लागतील त्यांच्यावर गुन्हे दाखल करणे व दंडात्मक कारवाई करण्यात येणार आहे. असे देखील जगताप यांनी सांगितले.
COMMENTS