Khadakwasla Dam Chain | उद्यापासून खडकवासला धरणांतून केला जाणार पाण्याचा विसर्ग | कालव्यात न उतरण्याचे पाटबंधारे विभागाचे आवाहन
Khadakwasla Dam Chain | Pune Rain Update | पुणे शहर (Pune city) आणि खडकवासला धरण साखळी (Khadakwasla Chain Project) प्रकल्पात गेल्या काही दिवसांपासून जोरदार पाऊस (Pune Rain) सुरु आहे. यामुळे धरणाच्या पाणीसाठ्यात वाढ झाली आहे. दरम्यान उद्या पासून खडकवासलाचा नवीन मुठा उजवा कालवा सुरू होत आहे. त्यामुळे धरणातून 1 हजार पाण्याचा विसर्ग केला जाणार आहे. त्यामुळे नागरिकांनी खबरदारी घ्यावी आणि कालव्यात कोणी उतरू नये. असे आवाहन पाटबंधारे विभागाच्या कार्यकारी अभियंता श्वेता कुऱ्हाडे यांनी केले आहे.
खडकवासला धरण 71% भरले
खडकवासला धरण साखळीतील 4 धरणांत सद्यस्थितीत 13.26 टीएमसी म्हणजे 45.50% इतके पाणी आहे. त्यापैकी खडकवासला धरणांत (Khadakwasla Dam) 1.40 टीएमसी म्हणजे 70.90%, पानशेत धरणांत (Panshet Dam) 5.60 टीएमसी म्हणजे 52.59%, वरसगाव धरणांत (Varasgaon Dam) 5.01 टीएमसी म्हणजे 39.11% तर टेमघर धरणांत (Temghar Dam) 1.25 टीएमसी म्हणजे 33.72% इतके पाणी आहे. मागील वर्षी याच दिवसांत 12.22 टीएमसी म्हणजे 42% इतके पाणी चार धरणांत होते. (Pune Rain Update)
—-
