Pune Municipal Corporation Deposit | पुणे महापालिकेच्या तीन हजार कोटीच्या ठेवी असताना भरमसाठ व्याजदराने ५३० कोटी रुपयांचे  कर्ज कशासाठी ?

HomeपुणेBreaking News

Pune Municipal Corporation Deposit | पुणे महापालिकेच्या तीन हजार कोटीच्या ठेवी असताना भरमसाठ व्याजदराने ५३० कोटी रुपयांचे कर्ज कशासाठी ?

कारभारी वृत्तसेवा Nov 07, 2023 8:02 AM

Discharge water from Khadakwasla Dam | खडकवासला धरणातून २५६८ क्युसेक पाण्याचा विसर्ग 
Chalo Chipko | पुण्यातील पर्यावरणप्रेमी संस्थांद्वारे  ‘चलो चिपको’ आंदोलनाची साद | 29 एप्रिल ला केले जाणार आंदोलन 
The idea of ​​Hindu Rashtra | हिंदुराष्ट्राची कल्पना गांधी विचारांना अभिप्रेत नाही – प्रा. डॉ. शंकर कुमार संन्याल यांचे प्रतिपादन

 Pune Municipal Corporation Deposit | पुणे महापालिकेच्या तीन हजार कोटीच्या ठेवी असताना भरमसाठ व्याजदराने ५३० कोटी रुपयांचे  कर्ज कशासाठी ?

| विवेक वेलणकर यांचा सवाल

 Pune Municipal Corporation Deposit | समाविष्ट गावांतील (Included Villages) सांडपाणी व्यवस्थापनासाठी (STP) ५३० कोटी रुपयांचे कर्ज काढण्याचे नियोजन पुणे महापालिकेने (PMC Pune) केले आहे. पुणे महापालिकेच्या  तीन हजार कोटी रुपयांच्या ठेवी विविध बॅंकांमध्ये असताना भरमसाठ व्याजदराने ५३० कोटी रुपयांचे  कर्ज घेण्याचे नियोजन कशासाठी ? असा प्रश्न सजग नागरिक मंचाचे अध्यक्ष विवेक वेलणकर (Vivek Velankar) यांनी उपस्थित केला आहे. (Pune PMC News)
वेलणकर यांनी याबाबत सांगितले कि,  मध्यंतरी माहिती अधिकारात मी पुणे महापालिकेच्या  बॅंकांमध्ये किती रकमेच्या ठेवी आहेत याची माहिती घेतली असता धक्कादायक माहिती समोर आली.  महापालिकेच्या २२०० कोटी रुपयांच्या ठेवी ४  बॅंकांमध्ये आहेत तर ७५५ कोटी रुपये Government securities मध्ये गुंतवलेले आहेत. असं असताना ५३० कोटी रुपयांचे कर्ज भरमसाठ व्याजदराने काढण्याचे डोहाळे कशासाठी लागले आहेत हे अनाकलनीय आहे. हे कर्ज आजचे वाढते व्याजदर लक्षात घेता ९.३०- १० टक्के दराने घ्यावे लागेल जेंव्हा की महापालिकेच्या ५०० कोटी रुपयांच्या ठेवी ७.९२ टक्के दराने  बॅंकांमध्ये पडून आहेत. (PMC Pune News)
—-
       कर्ज काढायची एवढीच हौस असेल तर ठेवींच्या आधारे कमी व्याजदरात त्याच बॅंकाच कर्ज देतात या पर्यायाचा विचार करावा अशी आमची मागणी आहे.
विवेक वेलणकर, अध्यक्ष, सजग नागरिक मंच, पुणे.