नागरिकांच्या तक्रारींवर कार्यवाही होते की नाही? याकडे ही आयुक्तांचे लक्ष
: खाते प्रमुखांना वेळोवेळी अहवाल देण्याचे आदेश
पुणे : महापालिका आयुक्त विक्रम कुमार यांनी प्रशासक पदाचा कारभार हाती घेतल्यापासून नागरिकांच्या तक्रारी जाणून घेण्यास प्राथमिकता दिली आहे. त्यानुसार नागरिकांना भेटण्याची वेळ देखील देण्यात आली आहे. तसेच नागरिकांची तक्रार संबंधित विभागाकडे पाठवण्यात येते. त्यावर खात्याकडून कार्यवाही होते कि नाही, यावर देखील आयुक्त लक्ष देत आहेत. सर्व खाते प्रमुखांना तक्रारींचे निराकरण केल्याबाबत वेळोवेळी अहवाल देण्याचे आदेश नुकतेच दिले आहेत.
: खाते प्रमुखांना असे आहेत आदेश
महापालिका आयुक्त कार्यालयामध्ये महापालिका आयुक्त यांना समक्ष भेटून नागरिकांनी सादर केलेल्या तक्रार अर्ज । निवेदन हे पुढील कार्यवाहीसाठी संबंधित खात्याकडे पाठविण्यात आलेले आहेत. तथापि सदर तक्रार अर्ज | निवेदन यावर झालेल्या कार्यवाही बाबतचे पूर्तता अहवाल महापालिका आयुक्त यांचे अवलोकनार्थ त्वरित सादर करणे आवश्यक आहे. तरी नागरिकांचे तक्रार अर्ज | निवेदन यावर केलेल्या कार्यवाहीचे अहवाल महापालिका आयुक्त कार्यालयाकडे संबंधित खातेप्रमुख यांनी वेळोवेळी त्वरित सादर करावेत.
COMMENTS