गुरुवारी शहराच्या काही भागात पाणी राहणार बंद
महापालिकेकडून येत्या गुरूवारी (दि.21) रोजी तातडीच्या देखभाल दुरूस्तीसाठी वडगाव जलशुध्दीकरण केंद्र, राजीव गांधी पंपिग व वडगाव रॉ वॉटर केंद्र बंद ठेवण्यात येणार आहे. परिणामी दक्षिण पुण्यातील काही भागाचा पाणी पुरवठा बंद ठेवण्यात येणार आहे.
दुसऱ्या दिवशी उशीरा आणि कमी दाबाने पाणी पुरवठा सुरळीत केला जाणार असून नागरिकांनी सहकार्य करण्याचे आवाहन महापालिका प्रशासनाकडून करण्यात आले.
या भागात राहणार पाणी पुरवठा बंद
हिंगणे, आनंदनगर, वडगाव, धायरी, आंबेगाव पठरा, दत्तनगर, धनकवडी, कात्रज, भारती विद्यापीठ परिसर, कोंढवा बुद्रूक परिसर
