जलसंपदा विभागाने पाण्याची प्रस्तावीत दरवाढ रद्द करावी
: भाजपचे शहराध्यक्ष जगदीश मुळीक यांची मागणी
पुणे : जलसंपदा विभागाने ( Department of Water Resources) राज्यातील सर्व महापालिकांना (Corporations) दिल्या जाणाऱ्या पाण्याच्या दरामध्ये (Water rage) पाचपट वाढ प्रस्तावित केली आहे. हा निर्णय अत्यंत अन्यायकारक असून, ही प्रस्तावित दरवाढ रद्द करावी, अशी मागणी भाजपचे शहराध्यक्ष जगदीश मुळीक (BJP city President Jagdish Mulik) यांनी जलसंपदा विभागाकडे केली आहे.
सलग दोन वर्षे चांगला पाऊस पडल्याने पाणी कपातीचे संकट दूर होते आहे. असे असतानाच जलसंपदा विभागाचा पाणीदरात प्रचंड वाढ करण्याचा निर्णय हा अन्यायकारक आहे. राज्य सरकारच्या अनागोंदी कारभाराचा बोजा सर्वसामान्य नागरिकांवर टाकण्याचा हा प्रकार आहे. संपूर्ण राज्यात पाणीसाठा समाधानकारक असून, तो वाढविण्यासाठी कोणताही अतिरिक्त खर्च होत नसताना प्रस्तावित केलेली दरवाढ हे अनाकलनीय आहे, असेही त्यांनी म्हटले आहे. कोरोना काळात सर्वसामान्यांना दिलासा देण्याची गरज आहे. त्यामुळे जलसंपदा विभागाने हा प्रस्ताव मागे घ्यावा व सर्वसामान्यांवर कोणताही बोजा टाकू नये, अन्यथा आंदोलन करू, असा इशाराही मुळीक यांनी दिला आहे.
COMMENTS