PMC : लहुजी वस्ताद फिटनेस क्लब होणार सील : मुख्य सभेत निर्णय 

यावेळी काशेवाडी प्रभाग क्रमांक १९ मधील जनरल अरुण कुमार वैद्य स्टेडियम येथे लहुजी वस्ताद फिटनेस क्लब आहे. हा क्लब काँग्रेसचे नगरसेवक अविनाश बागवे यांच्या संस्थेकडे आहे. पण यात अनियमिता आहे असल्याने हा क्लब सील करून महापालिकेने तो ताब्यात घ्यावा असा प्रस्ताव भाजपच्या नगरसेविका अर्चना पाटील यांनी दिला आहे. त्यावरून पाटील आणि बागवे यांच्यात संघर्ष निर्माण झाला आहे. हा विषय मंजुर होत नसल्याने पाटील यांनी महिला शहराध्यक्ष पदाचा राजीनामा दिला आहे. त्यानंतर काँग्रेसच्या एका ज्येष्ठ नगरसेवकाने हा प्रस्ताव तुम्ही बहुमताने मंजूर करा असे मोबाईल संभाषणात सांगितले, त्यावरून काँग्रेसमधील गटबाजी उघड झाली.या सर्व पार्श्वभूमीवर रात्री उशिरापर्यंत चर्चा सुरू होती. पाटील व बागवे यांनी एवढी टोकाची भूमिका घेऊन नये असे भाजप, राष्ट्रवादी, शिवसेना काँग्रेसच्या अनेक नगरसेवकांनी समजून सांगितला. बागवे आणि पाटील यांनी एकमेकांवर आरोप करत गैरप्रकार सभागृहापुढे मांडत आपापली भूमिका कशी योग्य आहेअखेर यावर झालेल्या मतदानात प्रस्तावाच्या बाजूने ४७ व विरोधात १८ मते पडली. महा विकास आघाडीने विरोधात मतदान केले. तर भाजपचा मित्र पक्ष रिपाइंमध्ये फूट पडली. उपमहापौर सुनीता वाडेकर यांनी भाजपच्या बाजूने मतदान केले तर सिद्धार्थ धेंडे यांनी तटस्थ भूमिका घेतली.