पुणेकरांच्या खिशावर ‘स्मार्ट’ पणे डल्ला!
: सिग्नल साठी ५८ कोटी देणार
: पुणेकर कुणाला दाखवणार लाल सिग्नल?
पुणे : पुणे स्मार्ट सिटी डेव्हलपमेंट कॉर्पोरेशनची अडॅप्टीव्ह ट्रॅफिक मॅनेजमेंट सिस्टिमचा (एटीएमएस) पुढील पाच वर्षांसाठी ५७ कोटी ९४ लाख रुपये (कर अतिरिक्त) परिचालन व देखभाल खर्च करण्याच्या निविदेस आज स्थायी समितीने मान्यता दिल्याची माहिती अध्यक्ष हेमंत रासने यांनी आज पत्रकार परिषदेत दिली. मात्र या निमित्ताने आता विविध प्रश्न उपस्थित होत आहेत. कारण या अगोदर देखील सिग्नल साठी महापलिका आणि पोलीस यांनी खर्च केला आहे. शिवाय महापालिकेची ऐपत नसताना स्मार्ट सिटी ला एवढा निधी देणे महापालिकेला परवडणार आहे का? त्यामुळे आता पुणेकर येणाऱ्या निवडणुकीत कुणाला लाल सिग्नल दाखवणार आहेत, हे पाहणे महत्वाचे ठरणार आहे.
स्थायी समितीची मंजुरी
रासने म्हणाले, या प्रकल्पासाठी आवश्यक असणारा १०२ कोटी ६२ लाख रुपयांचा भांडवली खर्च पुणे स्मार्ट सिटी करणार आहे. प्रकल्प पूर्ण झाल्यानंतर पुढील पाच वर्षांसाठी दरवर्षी ११ कोटी ५८ लाख रुपये याप्रमाणे पाच वर्षांसाठी ५७ कोटी ९४ लाख (कर अतिरिक्त) रुपयांच्या खर्चाची जबाबदारी पुणे महापालिकेने स्वीकारली आहे.
रासने पुढे म्हणाले, या आधुनिक संगणकीय प्रणालीमुळे प्रवासाला लागणार वेळ कमी होईल, नेटवर्क सरासरीची गती वाढेल, स्टॉप लरइल प्रतीक्षा कमी होईल, ग्रीन वेव्ह (पोलीस, रुग्णवाहिका, अग्निशमन गाड्या, फायर, बीआरटी) वापरून आपत्कालिन स्थितीत व्यवस्थापकीय करण्यास अनुमती देता येईल. त्यामुळे प्रवास वेळेची विश्र्वासार्हता सुधारता येईल, प्रवासाचा अंदाज येईल, ट्रॅफीक सिग्नलची कार्यक्षमता वाढेल, सुरक्षितता वाढेल, शहरातील प्रदूषण पातळी घट होईल आणि शहरभर वाहतुकीची माहिती सामार्इक करण्यासाठी डेटा प्लॅटफॉम तयार करता येईल. एटीएमएसच्या मुख्य घटकांमध्ये जंक्शनवरील अडॅप्टिव्ह ट्रॅफीक कंट्रोलर, ट्रॅफीक लाइटस, ट्रॅफीक सेन्सार, व्हेरिएबल मेसेज साइन बोर्ड आणि कमांड केंट्रोल सेंटरचा समावेश असणार आहे.
COMMENTS