Pune Water Cut Update | वडगाव जलकेंद्र परिसरावर अवलंबून असणाऱ्या नागरिकांचे पाण्याचे हाल
| जलकेंद्रावर पम्पिंग चे काम अजूनही सुरु असल्याने सकाळपासून पाणी नाही
Pune Water Cut Update | गुरूवार १३ जुलै रोजी वडगाव जलकेंद्र व राजीव गांधी पंपिंग येथील विद्युत/पंपींग विषयक व स्थापत्य विषयक तातडीचे देखभाल दुरुस्तीचे काम असल्या कारणामुळे अत्यावश्यक देखभाल दुरूस्तींचे कामांसाठी पंपींगचे अखत्यारीतील सर्व भागांमधील पाणीपुरवठा बंद ठेवण्यात आला होता. मात्र वडगाव जलकेंद्रवरील पम्पिंग चे काम अजूनही सुरु असल्याने शुक्रवार सकाळपासून परिसरात अजूनही पाणी आलेले नाही. यामुळे नागरिकांचे हाल होत आहेत. याबाबत महापालिकेच्या पाणीपुरवठा विभागाच्या (PMC water Supply Department) वतीने सांगण्यात आले कि पुढील 2 तासांत हे काम पूर्ण होईल त्यानंतर पाणी सोडले जाईल. (Pune Water Cut Update)
दरम्यान या परिसरात दर सोमवारी पाणी बंद ठेवले जाते. मात्र काही कारणास्तव गुरुवारी पाणी बंद ठेवण्यात आले होते. मात्र शुक्रवारी देखील पाणी न आल्याने नागरिक हैराण झाले आहेत.
वडगाव जलकेंद्र परीसरावर अवलंबून असणारा भाग
हिंगणे, आनंदनगर, वडगाव, धायरी, आंबेगावपठार, दत्तनगर, धनकवडी, कात्रज, भारती विद्यापीठ परीसर, कोंढवा बुद्रुक, आंबेगाव खुर्द, आंबेगाव बुद्रुक, येवलेवाडी, सहकारनगर भाग २ वरील भाग, आंबेडकरनगर, टिळकनगर परिसर, दाते बस स्टॉप परिसर, इत्यादी परिसरात सकाळपासून पाणी आलेले नाही. यामुळे नागरिकांचे हाल होत आहेत.
—-
News Title | Pune Water Cut Update | Water condition of citizens who depend on Vadgaon Jalkendra area
