Pune Waste Management | PMC pune | पुणे महापालिकेने 26 टन प्लास्टिक बॉटल जमा केल्या | महापालिका आता या प्लास्टिकचे काय करणार? जाणून घ्या सर्व काही
Pune waste Management | PMC Pune | महापालिकेने (Pune Municipal Corporation) प्लास्टिक कचरा निर्मूलन करण्यासाठी जाहीर केलेल्या प्लास्टिक कचरा संकलन स्पर्धेला पुणेकरांनी चांगलाच प्रतिसाद दिला. महापालिकेच्या क्षेत्रीय कार्यालयांमध्ये 26 टन प्लास्टिक बाटल्या (plastic bottles) जमा झाल्या आहेत. या प्लास्टिक चे महापालिका काय करणार? असा प्रश्न तुम्हांलाही पडला असेल. चला जाणून घेऊया महापालिका या प्लास्टिक चे काय करणार ते! (PMC pune waste management)
शहरातील प्लास्टिक कचऱ्याच्या संकलनास चालना मिळावी व नागरीकांना प्लास्टिक कचरा संकलनाची सवय लागावी, यासाठी पुणे महापालिकेचे आयुक्त विक्रम कुमार (PMC commissioner Vikram Kumar) यांनी एक फेब्रुवारी रोजी ‘प्लास्टिक कचरा संकलन स्पर्धे’ची ( Plastic waste collection competition) घोषणा केली होती. कमिन्स इंडिया या संस्थेच्या सहकार्याने होणाऱ्या या स्पर्धेतील विजेत्यांना स्मार्टफोन, स्मार्टवॉच, इलेक्‍ट्रिक बाइक अशा स्वरूपाची बक्षिसेही अतिरिक्त आयुक्त कुणाल खेमनार यांनी जाहीर केले होते. वेगवेगळ्या गटात ही स्पर्धा घेण्यात आली होती. (PMC pune news)
याबाबत महापालिका घनकचरा विभागाच्या प्रमुख आशा राऊत (Deputy commissioner of PMC pune) यांनी सांगितले कि, महापालिकेकडे 26 टन प्लास्टिक जमा झाले आहे. आम्ही यातून म्युरल्स बनवणार होतो. मात्र यासाठी बराच वेळ जाणार होता. त्यामुळे आम्ही दुसरे मार्ग शोधत होतो. त्यानुसार आता यातील 10 टन प्लास्टिक महापालिकेच्या पथ विभागाला दिले जाणार आहे. रस्ता तयार करताना पथ विभाग प्लास्टिक चा वापर करून plastic granules डांबरात मिक्स करून ते रस्ता बनवण्यासाठी वापरले जाणार आहे. तसे पत्र देखील आम्ही पथ विभागाला दिले आहे. उपायुक्त आशा राऊत यांनी पुढे सांगितले कि, उर्वरित 16 टन प्लास्टिक हे टी शर्ट बनवण्यासाठी वापरले जाणार आहे. याबाबत आम्ही Feel Good Eco Nurture संस्था सोबत चर्चा केली होती. त्यानुसार ते पालिकेला 1600 टी शर्ट तयार करून देणार आहेत. प्रत्येक टी शर्ट साठी 250/- चा खर्च येईल. हे टी शर्ट आम्ही महापालिकेच्या वेगवेगळ्या कार्यक्रमात वापरणार आहोत. लवकरच हे टी शर्ट महापालिकेला मिळतील. (PMC solid waste management department)
—
प्लास्टिक ला प्रतिबंध बसावा, या हेतूने महापालिकेने या स्पर्धेचे आयोजन केले होते. त्याला पुणेकरांचा चांगला प्रतिसाद मिळाला. लोकांनी प्लास्टिक चा वापर टाळणे आवश्यक आहे. जेणेकरून पर्यावरणाचे रक्षण होईल.
– आशा राऊत, उपायुक्त, घनकचरा विभाग, पुणे मनपा.
—-
Pune Waste Management | PMC Pune | Pune Municipal Corporation (PMC) collected 26 tons of plastic bottles What will the municipality do with this plastic now? Know everything
