PMC Security Officer Promotion | सुरक्षा अधिकारी पदोन्नती : शारीरिक तपासणी आवश्यक | गुरुवारी होणार तपासणी

HomeपुणेBreaking News

PMC Security Officer Promotion | सुरक्षा अधिकारी पदोन्नती : शारीरिक तपासणी आवश्यक | गुरुवारी होणार तपासणी

गणेश मुळे Jan 22, 2024 2:09 AM

Rights of Rivers Campaign | मुळा, मुठा सहित पुणे जिल्ह्यातील 7 नद्यांसाठी राईट्स ऑफ रिव्हर्स मोहीम
Rahalkar Ram Mandir Pune | Pune Congress Mahaaarti |सदाशिव पेठेतील रहाळकर राममंदिरात पुणे काँग्रेस कार्यकर्ते करणार महाआरती
Shivajinagar Bus Station Pune | अडीच वर्षात शिवाजीनगर येथील बसस्थानाकाचे काम पूर्ण होणार!

PMC Security Officer Promotion | सुरक्षा अधिकारी पदोन्नती : शारीरिक तपासणी आवश्यक | गुरुवारी होणार तपासणी

PMC Security Officer Promotion | पुणे महानगरपालिका (Pune Municipal Corporation) प्रशासनाकडील सुरक्षा विभागाकडील सुरक्षा अधिकारी (PMC Security Department) – (वर्ग-२), सहायक सुरक्षा अधिकारी (वर्ग 3) या पदाच्या एकूण संख्येच्या ७५% जागा कार्यरत कर्मचाऱ्यांमधून सेवाज्येष्ठता व गुणवत्ता या आधारे कर्मचाऱ्यांमधून पदोन्नतीने भरण्यासाठी प्रक्रिया सुरु करण्यात आली आहे. यासाठी 23 लोकांचे अर्ज प्राप्त झाले होते. त्यातील 13 पात्र तर 10 अपात्र ठरले आहेत. त्याची यादी महापालिका वेबसाईट (PMC Website) वर प्रसिद्ध करण्यात आली आहे. त्यानुसार आता या उमेदवारांची शारीरिक तपासणी केली जाणार आहे. गुरुवारी ही तपासणी होणार आहे. असे महापालिका प्रशासनाकडून सांगण्यात आले. (Pune Municipal Corporation)
पुणे महानगरपालिका प्रशासनाकडील सुरक्षा विभागाकडील सुरक्षा अधिकारी-(वर्ग-२) व सहाय्यक सुरक्षा अधिकारी – (वर्ग-३) या पदाकरिता पुणे महानगरपालिकेमधील (PMC Pune) कार्यरत कर्मचाऱ्यांमधून सेवाज्येष्ठता व गुणवत्ता या आधारे कर्मचाऱ्यांमधून पदोन्नतीने भरण्यासाठी प्रक्रिया सुरु करण्यात आली आहे.  त्यानुसार सुरक्षा अधिकारी व सहाय्यक सुरक्षा अधिकारी या पदाकरिता सेवकांकडून अर्ज मागविण्यात आले आहेत. तरतुदीनुसार सुरक्षा अधिकारी व सहाय्यक सुरक्षा अधिकारी या पदाकरिता शारीरिक तपासणी करणे आवश्यक आहे. त्यानुसार सुरक्षा अधिकारी व सहाय्यक सुरक्षा अधिकारी या पदाकरिता अर्ज केलेल्या सेवकांसाठी शारीरिक तपासणी, गुरुवार, दि. 25 जानेवारी रोजी सकाळी ११.०० वाजता जुना जी.बी. हॉल, ३ रा मजला, मुख्य मनपा भवन (Pune PMC Bhavan) येथे आयोजित केले आहे. (Pune Municipal Corporation News)

तसेच यासाठी “ चांगली दृष्टी असणे आवश्यक” या बाबत पुणे मनपाच्या कमला नेहरू रुग्णालय येथून अर्जदार उमेदवारांनी दृष्टीबाबत प्रमाणपत्र घेऊन त्याची प्रत आस्थापना विभागात सादर करावे. असे आदेशात म्हटले आहे.  तरी, सर्व खातेप्रमुख यांनी या कार्यालय परिपत्रकाची नोंद घेऊन त्याबाबत त्यांचे नियंत्रणाखालील अधिकारी / कर्मचारी यांना माहिती द्यावी. असे आदेश देण्यात आले आहेत.  जे संबंधित कर्मचारी विहित केलेल्या वेळेवर शारीरिक तपासणी करिता उपस्थित राहणार नाही त्यांचे नावे सुरक्षा अधिकारी व सहाय्यक सुरक्षा अधिकारी या पदाकरिता राबविण्यात येणाऱ्या पदोन्नतीच्या प्रक्रियेत विचारात घेण्यात येणार नाही. असा इशारा देखील देण्यात आला आहे.
—–