PMC Pune Solid Waste Management | पुणे महापालिकेची कचरा वाहतूक करण्याची क्षमता वाढणार!
| अत्याधुनिक सुविधा असलेले 3 ट्रक महापालिकेच्या ताफ्यात
PMC Pune Solid Waste Management | पुणे महापालिकेकडून (Pune Municipal Corporation) शहरातील सुक्‍या कचऱ्याची (Dry waste) वाहतूक करण्यासाठी बीआरसी ट्रक (BRC Truck) वापरण्यात येतात. या ट्रकची क्षमता 7 ते 10 टन कचऱ्याची आहे. मात्र, आता महापालिकेच्या ताफ्यात तब्बल 20 ते 22 टन कचरा एकाच वेळी वाहतूक करू शकणारे आणि वॉकिंग फ्लोरची सुविधा असलेले तीन ट्रक दाखल झाले आहेत. या ट्रकचे लोकार्पण पालकमंत्री चंद्रकांत पाटील (Guardian Minister Chandrakant patil) यांच्या हस्ते शनिवारी करण्यात आले. (PMC Pune Solid waste management)
आमदार भिमराव तापकीर, महापालिका आयुक्त विक्रम कुमार, अतिरिक्त आयुक्त डॉ. कुणाल खेमणार , कीथ कंपनीच्या अध्यक्षा लिंडसे फॉस्टर ड्रॅग्रो, संचालक वरून गजरा, घनकचरा व्यवस्थापन विभागाच्या उपायुक्त आशा राऊत यावेळी उपस्थित होत्या. (PMC pune news)
केंद्रशासनाने 15 व्या वित्त आयोगा अंतर्गत घनकचरा व्यवस्थापनासाठी (solid waste management) उपलब्ध करून दिलेल्या निधीतून प्रायोगिक तत्वावर सुमारे अडीच कोटी रूपयांचे हे तीन ट्रक खरेदी करण्यात आले आहेत. या ट्रक मध्ये कीथ कंपनीने विकसित केलेली वॉकिंग फ्लोरची यंत्रणा उपलब्ध करून दिलेली आहे. ही यंत्रणा चालविण्यास सोपी असून महापालिका कर्मचाऱ्यांनाच याचे प्रशिक्षण दिले जाणार असून कंपनीच पुढील दहा वर्षे या यंत्रणेची देखभाल दुरूस्ती करणार आहे. दरम्यान, महापालिकेसोबत काम करणे ही आमच्यासाठी खास बाब असून शहराच्या कचरा व्यवस्थापनासाठी या गाडया महत्वाची भूमिका निभावतील असा विश्‍वास कीथ कंपनीच्या अध्यक्षा ड्रॅग्रो यांनी यावेळी बोलताना व्यक्त केला. (PMC pune Waste Transport)
महापालिकेकडून सध्या शहरात कचरा वाहतूकीसाठी हायवा ट्रक वापरण्यात येतात. त्यांची क्षमता 5 ते 10 टनांच्या आसपास आहे. तसेच या ट्रक मध्ये कचरा भरल्यानंतर तो आत मध्ये दाबण्याची यंत्रणा नाही. तर सध्याच्या गाडयांमध्ये कचरा भरण्यासाठी व उतरविण्यासाठी अर्धा ते पाऊन तास जातो . तसेच कचरा मोठया प्रमाणात बाजूला पडतो. या नवीन ट्रक मध्ये वॉकिंग फ्लोर असून कचरा 5 ते 10 मिनिटात भरता येतो. आत मध्ये पडलेला कचरा स्वयंचलित यंत्रणेत दाबला जातो. परिणामी, जुन्या हायवाच्या तीन ट्रक मध्ये बसणारा कचरा कीथच्या एकाच ट्रक मध्ये बसतो. परिणामी, कचरा वाहतूकीचा खर्चही कमी होणार आहे. शिवाय, गाडी रिकामी करताना कचऱ्याचे सांडण्याचे प्रमाणही कमी होते. (Pune waste management)
—————————————–
ही आहेत वैशिष्टे
– 3 ट्रकच्या कचऱ्याची एकाच ट्रकमध्ये वाहतूक
– कचरा लोडींग-अनलोडींगचा वेळ एक तासाने वाचणार
– वॉकिंग फ्लोरमुळे कचरा पडण्याचे प्रमाण नगण्य
News Title |PMC Pune Solid Waste Management | The capacity of Pune Municipal Corporation to transport waste will increase!| 3 trucks with modern facilities in the municipal fleet
