PMC primary Education Department | महापालिकेच्या बालवाडी शिक्षिका व सेविका यांच्या मानधनात 10% वाढ
| शिक्षण विभागाकडून परिपत्रक जारी
PMC Primary Education Department | पुणे | पुणे महानगरपालिकेतील (PMC Pune) प्राथमिक शिक्षण विभागातील काम करणाऱ्या बालवाडी शिक्षिका व सेविका यांना २०२० पासूनची १०% वाढ प्राथमिक शिक्षण विभाग विभागाकडून देण्यात आली आहे. याबाबतचे परिपत्रक नुकतेच जारी करण्यात आले आहे. (Pune Municipal Corporation)
पुणे महानगरपालिका कामगार यूनियन (मान्यताप्राप्त) मध्ये सभासद असलेल्या पुणे महानगरपालिकेतील प्राथमिक शिक्षण विभागातील काम करणाऱ्या बालवाडी शिक्षिका व सेविका यांना २०२० पासूनची १०% वाढ शिक्षण विभाग प्राथमिककडून देण्यात आलेली नव्हती. २०२० ऑगस्ट पासून पुणे महानगरपालिका कामगार युनियन (मान्यताप्राप्त) ने या बाबत वेळोवेळी पत्र व निवेदन देऊन प्रत्यक्ष भेटी करुन बैठक करुन पाठपुरावा केला. या प्रश्र्नाकरिता संघटनेने कोर्टात केस देखील दाखल केली होती. त्यानुसार 2 नोव्हेंबर पासून पुणे महानगरपालिकेने २०२० पासुनची १०% वाढ मिळण्याबाबतचे परिपत्रक शिक्षण विभागाने जारी केले असून आता बालवाडी शिक्षिका व सेविका यांना १०% वाढ मिळणार आहे. ४ वर्षांच्या प्रदीर्घ लढाई नंतर अखेर बालवाडी शिक्षिका व सेविका यांच्या लढाईला यश आले आहे. (PMC Pune News)
पुणे महानगरपालिके कडील मुख्य सभा ठरावाच्या अनुषगाने बालवाडी शिक्षिका व सेविका यांच्या मानधनवाढ व तदनुषंगिक सुविधा धोरणास मान्यता देण्यात आली आहे. त्यानुसार १० वर्षे पेक्षा कमी सेवा कालावधी असलेल्या शिक्षिकांना 10 हजार तर सेविकांना 7500 मानधन, वर्षे पूर्ण सेवा कालावधी असलेल्या शिक्षिकांना 11500 व सेविकांना 8500, 12 वर्षे पूर्ण सेवा कालावधी असलेल्या शिक्षिकांना १२,६५० तर सेविकांना ९,३५० मानधन आणि १४ वर्षे पूर्ण सेवा कालावधी असलेल्या शिक्षिकांना १३,९१५ तर सेविकांना १०,२८५ मानधन देण्याचा ठराव करण्यात आला आहे. त्यानुसार कार्यरत व सेवानिवृत्त, मयत बालवाडी शिक्षिका व सेविका यांना दर २ वर्षांनी त्या वेळच्या प्रचलित मानधनावर १०% वाढ ही फरका सह अदा करण्यात यावी. असे आदेश प्राथमिक शिक्षण विभागाचे प्रशासकीय अधिकारी संजयकुमार राठोड यांनी जारी केले आहेत. (PMC Marathi News)
