PMC CHS Card | एका CHS कार्डवर कर्मचारी किंवा सभासदांना आई-वडील किंवा सासू-सासरे यांनाच लाभ घेता येणार | एकाचवेळी चौघांना लाभ न देण्याचा CHS कमिटीचा निर्णय
PMC CHS Card | पुणे महानगरपालिकेच्या आरोग्य विभागामार्फत (PMC Health Department) अंशदायी वैद्यकीय साहाय्य योजना (CHS) कार्यान्वित आहे. या अंशदायी वैद्यकीय सहाय्य योजनेअंतर्गत पुणे महानगरपालिका सेवक/सेविका, सेवा निवृत्त सेवक/सेविका शिक्षण मंडळ व पीएमपीएमएल विभागाकडील सेवक/सेविका, सेवा निवृत्त सेवक/सेविका, मा. आजी सभासद, व मा. माजी सभासद यांचे वैयक्तिक स्वखार्चाची वैद्यकीय परतावा बिले सादर केल्यानंतर वैद्यकीय बिलांची प्रतिपूर्ती करण्यात येत आहे. दरम्यान आता एका CHS कार्डवर (CHS Card) आई-वडील किंवा सासू-सासरे यांनाच लाभ घेता येणार आहे. एकाचवेळी चौघांना लाभ न देण्याचा निर्णय CHS कमिटीच्या बैठकीत घेण्यात आला आहे. अशी माहिती आरोग्य विभागाच्या वतीने देण्यात आली. (PMC Pune Health Department)
कमिटीच्या बैठकीत हे निर्णय घेण्यात आले
1. पुणे महानगरपालिका सेवक/सेविका विभागाकडील सेवक/सेविका, सेवा निवृत्त सेवक/सेविका, मा. आजी सभासद, व मा. माजी सभासद यांना वैयक्तीक स्वखर्चाची वैद्कीय बीले सादर करतांना औषधांच्या मुळ (Original) रिसीट/कॅश मेमो यामध्ये जी.एस.टी.ची रक्कम नमूद असलेल्या वैयक्तीक वैद्यकीय परताव्याची बीले अदा करण्यात येतील.
2. पुणे मनपा सेवक, शिक्षण मंडळ व पीएमपीएमएल सेवा निवृत्त सेवक/सेविका, सेवा निवृत्त सेवक/सेविका, मा. आजी सभासद, व मा. माजी सभासद यांना अंशदायी वैद्यकीय सहाय्य योजनेअंतर्गत आयुर्वेदिक औषधोपचारांच्या बीलांव्यतिरिक्त सादर करण्यात आलेले आयुर्वेदिक प्रोसिजर्सची उदा. पंचकर्म इ. बीले अदा करण्यात येणार नाहीत.
3. पुणे मनपा सेवक, सेवा निवृत्त सेवक/सेविका, शिक्षण मंडळ व पीएमपीएमएल सेवक/सेविका विभागाकडील सेवक/सेविका, सेवा निवृत्त सेवक/सेविका, मा. आजी सभासद, व मा. माजी सभासद यांना
त्यांच्या फक्त आई-वडिलांची नांवे अथवा फुक्त सासू-सासरे यांची नावे नियमानुसार समाविष्ठ करता येतील. ज्या वर्षी आई-वडील किंवा सासू सासरे यांचे नांव समाविष्ठ असेल त्या आर्थिक वर्षासाठी आई-वडील किंवा सासू सासरे यांचीच नांवे समाविष्ठ राहतील. आई-वडील अथवा सासू सासरे यापैकी जी नांवे कार्डवर समाविष्ठ करावयाची असतील, ती नांवे तसे स्वयंघोषणापत्र भरुन दिल्यानंतर त्या पुढील आर्थिक वर्षातच समाविष्ठ करता येतील. परंतू एकदा निश्चीत केलेली नावे अंशदायी वैद्यकीय सहाय्य योजना कार्डमध्ये नियमानुसार समाविष्ठ केल्यास त्यामध्ये चालू आर्थिक वर्षात बदल करता येणार नाही.
