NCP - SCP Pune | दीनानाथ मंगेशकर हॉस्पिटलच्या विरोधात राष्ट्रवादी काँग्रेस पार्टी शरदचंद्र पवार पक्षामार्फत निषेध आंदोलन

Deenanath Mangeshkar Hospital | महापालिकेकडून दिनानाथ मंगेशकर रुग्णालयास दिलेल्या सर्व सवलती रद्द करण्याची मागणी

Deenanath Mangeshkar Hospital Pune | पुण्यात वेळेत उपचार न मिळाल्याने महिलेचा मृत्यू; | उपमुख्यमंत्री अजित पवार यांनी दिले चौकशीचे आदेश | मुख्यमंत्री देवेंद्र फडणवीस यांनी घेतली गंभीर दखल

PMC Health Department on Deposit | अनामत रकमेवरून पुणे महापालिका आरोग्य विभागाची शहरातील सर्व खाजगी हॉस्पिटल्स, रुग्णालये आणि नर्सिंग होम्स ना नोटीस!

NCP – SCP Pune | दीनानाथ मंगेशकर हॉस्पिटलच्या विरोधात राष्ट्रवादी काँग्रेस पार्टी शरदचंद्र पवार पक्षामार्फत निषेध आंदोलन

Deenanath Mangeshkar Hospital Pune – (The Karbhari News Service) – दीनानाथ मंगेशकर हॉस्पिटलच्या विरोधात राष्ट्रवादी काँग्रेस पार्टी शरदचंद्र पवार पक्षामार्फत निषेध आंदोलन करण्यात आले. (Pune News)

पुण्यात सरकारने दिलेल्या जागेवर तसेच शासन व महानगरपालिकेच्या प्रचंड सवलती लाटून थाटण्यात आलेल्या दीनानाथ मंगेशकर धर्मादाय रुग्णालयात अक्षरश: माणुसकीला काळीमा फासणारा प्रकार घडला. केवळ पैसे भरले नाहीत म्हणून तनिषा भिसे या गर्भवती भगिनीला उपचार नाकारण्यात आले. उपचाराअभावी या भगिनीचा मृत्यू झाला आणि जुळी बाळे मातेला पोरकी झाली. त्यास पूर्णपणे दीनानाथ मंगेशकर रुग्णालयाचे मुर्दाड प्रशासन जबाबदार असून त्याविरोधात आज राष्ट्रवादी काँग्रेस पार्टी शरदचंद्र पवार पक्षामार्फत निषेध आंदोलन केले. अशी माहिती शहर अध्यक्ष प्रशांत जगताप यांनी दिली.

जगताप यांनी सांगितले कि, शरदचंद्र पवार मुख्यमंत्री असताना पुणेकरांना धर्मादाय रुग्णालयामार्फत आरोग्य सेवा मिळेल या हेतूने मंगेशकर कुटुंबियांना सरकारची हजारो कोटी रुपयांची ही ६ एकर जागा मोफत दिली. परंतु, या हॉस्पिटल प्रशासनाने धर्मादाय हॉस्पिटलचे सर्व नियम धाब्यावर बसवून केवळ धनदांडग्यांसाठीच हे हॉस्पिटल असल्याचे वारंवार सिद्ध केले आहे. आर्थिक दुर्बल घटकांतील रुग्णांसाठी १० टक्के खाटा राखीव ठेवण्याची तरतूद असतानाही त्याची अंमलबजावणी केली जात नाही. हे हॉस्पिटल केवळ पैसे लुबाडण्याचे केंद्र बनवले गेले आहे. एकीकडे शासनाकडून भरमसाठ सवलती मिळवायच्या आणि दुसरीकडे तब्बल २७ कोटी रुपयांचा मालमत्ता कर थकीत ठेवायचा असा प्रकार रुग्णालयाकडून सुरू आहे. काही हजार रुपयांच्या थकीत मालमत्ताकराची पुणेकरांच्या घरी जाऊन, बँड वाजवून करवसुली करणारे महानगरपालिका प्रशासन रुग्णालयाकडून २७ कोटींची करवसुली करताना मूग गिळून गप्प आहे.

या रुग्णालयाला सौ. तनिषाताईच्या मृत्यूस जबाबदार धरून मनुष्यवधाचा गुन्हा दाखल करावा, शासनाने मोफत दिलेली जमीन परत घ्यावी, रुग्णांची लूट करून प्रचंड माया जमविलेल्या रुग्णालय प्रशासन, मंगेशकर कुटुंबिय आणि डॉक्टरांची चौकशी करण्यात यावी,अशी मागणी या आंदोलनावेळी करण्यात आली.

या आंदोलनास शहराध्यक्ष प्रशांत जगताप ,लक्ष्मीताई दुधाने, स्वातीताई पोकळे, किशोर कांबळे,अजिंक्य पालकर, स्वप्निल दूधाने, गिरीश गुरनानी, दीपक जगताप,दीपक कामठे, वैभव कोठुळे,पूजा काटकर,सुरेश गुजर, त्रिंबक मोकाशी, रचना ससाणे,गणेश नलावडे, मंजिरीताई घाटगे, रूपालीताई शेलार,पंडित कांबळे,आसिफ शेख, हेमंतकाका बधे आणि पक्षाचे पदाधिकारी तसेच कार्यकर्ते मोठ्या संख्येने उपस्थित होते.