Naval Kishor Ram IAS | पालखी मार्गाची उर्वरीत कामे पुढील ३ दिवसांत पूर्ण करण्याचे महापालिका आयुक्त यांचे आदेश
Palakhi Sohala 2025 – (The Karbhari News Service) – पुणे शहरातील पालखी मार्गाची पाहणी आज शुक्रवार रोजी महापालिका आयुक्त नवल किशोर राम यांनी केली. (Pune PMC News)
महापालिका आयुक्त यांनी खातेप्रमुख , पोलिस अधिकारी यांचे समवेत पालखी मार्गावर केलेल्या कामांचा आढावा घेतला. पोलिस आयुक्त यांनी दिलेल्या सूचनांनुसार राडारोडा , कचरा उचलणे, खड्डे दुरूस्ती करणे, झाडाच्या फांद्या छाटणे, अतिक्रमण काढणे , सी.सी.टी.व्ही. कॅमेरे बसविणे व लोंबकाळणाऱ्या वायर काढणे इत्यादी कामे विनाविलंब करण्यात यावीत असे आदेश दिले. पालखी सोहळ्याच्या अनुषंगाने विविध शासकीय, निमशासकीय संस्था, पोलिस विभाग यांचेशी समन्वय ठेवून कामकाज करण्यात यावे. पुढील ३ दिवसांत उर्वरीत सर्व कामे पूर्ण करण्याचे आदेश महापालिका आयुक्त यांनी संबंधित खातेप्रमुख यांना दिले. (Pune Municipal Corporation – PMC)
पालखी मार्ग पाहणीचे वेळी मा. अतिरिक्त महापालिका आयुक्त (ज) एम.जे. प्रदीप चंद्रन, अतिरिक्त महापालिका आयुक्त ( वि ) ओमप्रकाश दिवटे, मुख्य उद्यान अधिक्षक अशोक घोरपडे, मुख्य अभियंता ( पथ ) अनिरूध्द पावसकर, उप आयुक्त ( घनकचरा व्यवस्थापन ) संदीप कदम , मुख्य अभियंता (मलनि:सारण ) जगदीश खानोरे इ. अधिकारी उपस्थित होते.
COMMENTS