राज्यव्यापी बेमुदत संपास पाठिंबा देण्यासाठी मनपा कामगार संघटना उद्या करणार निदर्शने !
शासकीय कर्मचाऱ्यांना जुनी पेन्शन लागू करण्याचा मागणीसाठी राज्यव्यापी बेमुदत संप पुकारण्यात आला आहे. या संपाला महानगरपालिका कामगार संघटनांनी जाहीर पाठिंबा दर्शविला आहेच. त्याच पार्श्वभूमीवर उद्या म्हणजेच १६ मार्चला संपाला जाहीर पाठिंबा देण्याकरिता संघटनानिदर्शने करणार आहे. असे सर्व संघटनांकडून सांगण्यात आले.
उद्या दुपारी २ वाजता पुणे महानगरपालिका मुख्य भवनासमोर पुणे महानगरपालिका कामगार युनियन (मान्यताप्राप्त) व इतर सहयोगी संघटनांच्या वतीने निदर्शने केली जाणार आहेत. तरी सर्व कामगारांनी मोठ्या संख्येने उपस्थित राहून ‘एकच मिशन जुनी पेन्शन’ या आपल्या लढ्याला पाठिंबा दयावा. असे आवाहन संघटनेकडून करण्यात आले आहे.
—
पेन्शनसाठी पुकारण्यात आलेल्या संपाला पाठिंबा देणं हे आमचं कर्तव्य आहे. म्हणून सेवकांच्या मागण्यासाठी लक्ष वेधण्यासाठी आम्ही निदर्शने करणार आहोत. त्यानुसार उद्या दुपारी 2 ते 2:30 या वेळेत कार्यालयीन कर्मचारी निदर्शने करतील. तर 2:30 ते 5 या वेळेत सफाई कामगार निदर्शने करणार आहेत.
