महापालिकेने हडपसर मधील 36 गाळे घेतले ताब्यात
: थकबाकी न भरल्याने महापालिकेची कारवाई
पुणे : महापालिकेच्या मालमत्ता आणि व्यवस्थापन विभागाने हडपसर बंटर स्कुल येथील 36 गाळे ताब्यात घेतले आहेत. संबंधित गाळा धारकांनी गेल्या कित्येक वर्षांपासून थकबाकी भरलेली नव्हती. त्यामुळे विभागाने ही कारवाई केली आहे. अशी माहिती महापालिका प्रशासनाकडून देण्यात आली.
महापालिका प्रशासनाकडून शहरात अतिक्रमण कारवाई जोरदार पणे सुरु आहे. सोबतच आता मालमत्ता आणि व्यवस्थापन विभागाकडून देखील कारवाई करण्यात येत आहे. विभागाकडून नियमांचे पालन न करणाऱ्या विरोधात कारवाई केली जात आहे. विभागाने महापालिका मिळकत वाटप नियमावली नुसार जागा आणि गाळे भाडे तत्वावर दिले आहेत. मात्र याचे नाममात्र भाडे असताना देखील संबंधित गाळे धारक महापालिकेचे शुल्क अदा करताना दिसून येत नाहीत. त्यामुळे विभागाकडून या लोकांना नोटीस देण्यात आल्या होत्या. तरीही या लोकांनी थकबाकी भरलेली नाही. त्यामुळे प्रशासनाने जागा ताब्यात घेण्याची प्रक्रिया सुरु केली आहे.
हडपसर बंटर स्कुल परिसरातील 36 गाळे धारकांनी गेल्या कित्येक वर्षांपासून थकबाकी भरलेली नाही. 25 लाखाच्या आसपास ही थकबाकी होती. त्यामुळे मालमत्ता व व्यवस्थापन विभागाने शुक्रवारी हे गाळे ताब्यात घेतले. अशी माहिती विभागाच्या वतीने देण्यात आली.
COMMENTS