Dry Mist Based Fountain System | पुणे महापालिकेत नुकतीच उदघाटन केलेली ड्राय मिस्ट बेस्ड फाऊंटन सिस्टीम काय आहे?

Dry Mist Based Fountain System | शहरातील प्रमुख चौकांमध्ये वाहनांपासुन होणारे हवा प्रदूषणाचे, विशेषतः हवेतील १० मायक्रॉन आकारापर्यंतचे धूलीकण (PM10) व 2.5 मायक्रॉन आकारापर्यंतचे चे धूलीकणाचे प्रमाण कमी करण्यासाठी पुणे महानगरपालिके (Pune Municipal Corporation) तर्फे ७ चौकांमध्ये “ड्राय मिस्ट बेस्ड फाउंटन”  (Dry Mist Based Fountain System) बसविण्यात आले आहे. यामध्ये स.गो. बर्वे चौक, डेक्कन चौक, गुडलक चौक, शास्त्री नगर चौक, वाडिया कॉलेज चौक, ब्रेमेन चौक यांचा समावेश आहे. (Dry Mist Based Fountain System)

या पद्धतीमध्ये अत्यंत बारीक साइजच्या Nozzle मधून १० ते ५० मायक्रो मीटर आकाराचे Atomize झालेले पाण्याचे तुषार बाहेर पडतात. हे तुषार प्रेशर पंप च्या सहाय्याने Nozzle मधून बाहेर पडल्यानंतर हवेच्या धूलीकणांच्या संपर्कात येतात. यामुळे मिस्ट बेस्ड फाऊंटन च्या परिसरातील धूलीकणाचे प्रमाण कमी होतात. या मिस्ट बेस्ड फाऊंटन ला ड्राय मिस्ट बेस्ड फाऊंटन असे म्हटले जाते कारण यामधून पडणारे तुषार इतके बारीक असतात कि, ते जमिनीवर पडण्याअगोदर हवेत मिसळून जातात. वाहतुकीची वर्दळ व सिग्नल जवळ वाहने थांबत असल्याने वाहनांच्या धुरातून बाहेर पडणाऱ्या प्रदुषणाचे प्रमाण जास्त असते. त्यामुळे अशा प्रकारचे ड्राय मिस्ट बेस्ड फाऊंटन चौकांमध्ये बसवणे अधिक फायदेशीर ठरते. या प्रकारच्या ड्राय मिस्ट बेस्ड फाऊंटन Automizer सिस्टीम मध्ये प्रदुषणाची पातळी अंदाजे २५ ते ३० % कमी झाल्याचे एका पाहणी मधून निर्दशनास आले आहे.

—-

News Title | Dry Mist Based Fountain System | What is the recently inaugurated dry mist based fountain system in Pune Municipal Corporation?