Dr Ramesh Shelar PMC | मुख्य अभियंता (विद्युत) पद भरताना अनियमितता झाली असल्याचा डॉ रमेश शेलार यांचा आरोप
| आस्थापना विभागाची चौकशी करण्याची महापालिका आयुक्त यांच्याकडे मागणी
PMC Chief Engineer (Electricity Department) – (The Karbhari News Service) – महानगरपालिका आस्थापनावर ‘मुख्य अभियंता’ (विद्युत) या पदावरील नेमणूकी मध्ये त्रुटी व चुका असल्याचा आरोप प्रभारी पर्यावरण व्यवस्थापक डॉ रमेश शेलार (Dr Ramesh Shelar PMC) यांनी केला आहे. पद भरताना राज्य सरकारच्या नियमांचे उल्लंघन केल्याचे डॉ शेलार यांनी म्हटले आहे. त्यामुळे याबाबत सामान्य प्रशासन विभागाची सखोल चौकशी करण्याची मागणी डॉ शेलार यांनी महापालिका आयुक्त डॉ राजेंद्र भोसले (Dr Rajendra Bhosale IAS) यांच्याकडे केली आहे. (Pune Municipal Corporation (PMC)
डॉ शेलार यांनी महापालिका आयुक्त यांना दिलेल्या पत्रानुसार पुणे महानगरपालिका अस्थापना 26 ऑगस्ट 2014 रोजी शासन मान्य झाली. त्यामध्ये विद्युत
विभागाचे अधिक्षक अभियंता विद्युत हे पद उच्च होते. 6 नोव्हेंबर 2027 रोजी शासन निर्णयानुसार ‘मुख्य अभियंता’ (विद्युत) हे पद निर्माण करणेस अटी व शर्तीसह मान्यता झालेली होती. यामधील अट क्र.३ नुसार महानगरपालिकेने हे पद भरताना शासनाची पूर्व परवानगी घेण्यात यावी असे नमूद आहे. त्यानुसार आज्ञापत्रक प्रस्तुत झालेली दिसून येते; परंतु या आज्ञापत्रकानुसार खातेनिहाय बढती समितीने अहवाल, शहर सुधारणा समिती व मुख्य सभा ठराव करून आज्ञापत्रक प्रस्तुत केलेले दिसून येते. वास्तविक तत्कालीन खातेनिहाय बढती समिती यांनी शासन निर्णयाकडे कानाडोळा केलेचे आढळते. (Pune PMC News)
विभागाचे अधिक्षक अभियंता विद्युत हे पद उच्च होते. 6 नोव्हेंबर 2027 रोजी शासन निर्णयानुसार ‘मुख्य अभियंता’ (विद्युत) हे पद निर्माण करणेस अटी व शर्तीसह मान्यता झालेली होती. यामधील अट क्र.३ नुसार महानगरपालिकेने हे पद भरताना शासनाची पूर्व परवानगी घेण्यात यावी असे नमूद आहे. त्यानुसार आज्ञापत्रक प्रस्तुत झालेली दिसून येते; परंतु या आज्ञापत्रकानुसार खातेनिहाय बढती समितीने अहवाल, शहर सुधारणा समिती व मुख्य सभा ठराव करून आज्ञापत्रक प्रस्तुत केलेले दिसून येते. वास्तविक तत्कालीन खातेनिहाय बढती समिती यांनी शासन निर्णयाकडे कानाडोळा केलेचे आढळते. (Pune PMC News)
तसेच आज्ञापत्रकांत लेखनिक संवर्गातील अधिक्षक अभियंता (विद्युत) या संवर्गातील अभियंता ( विद्युत) वर्ग -१ असे नमूद केलेले आहे. अधिक्षक अभियंता (विद्युत) हे पद अभियांत्रिकी सेवा या सदरांत २६/०८/२०१४ चे शासन मान्यतेसाठी नमूद आहे. अशा प्रकारे वर्ग -१ संवर्गातील पदासाठी तात्काळ पदोन्नतीने नेमणूक देण्यात येते. त्याचप्रमाणे वर्ग ४ मधील शैक्षणिक पात्रता असलेल्या सेवकांना २६/०८/२०१४ च्या सेवा नियमानुसार पदोन्नतीने नेमणूक तात्काळ का देऊ शकत नाही? वर्ग ४ मधील सेवकांना पण तात्काळ त्यांच्या शैक्षणिक अहर्ता नुसार पदोन्नतीने नेमणुका देण्यात याव्यात. अशी मागणी डॉ शेलार यांनी आपल्या पत्रातून केली आहे.
डॉ शेलार यांनी पुढे म्हटले आहे कि, ‘मुख्य अभियंता’ (विद्युत) वर्ग -१ हे पद भरणेबाबत झालेली अनियमता तसेच या पदावरील व्यक्तीस अतिरिक्त महापालिका आयुक्त पदासाठी सक्षम दर्शविणारी आस्थापना विभाग यांचे सखोल चौकशी करावी.
