राज्यव्यापी बेमुदत संपास पाठिंबा देण्याकरिता मनपा कर्मचाऱ्यांची निदर्शने !
शासकीय कर्मचाऱ्यांना जुनी पेन्शन लागू करण्याच्या मागणीसाठी राज्यव्यापी बेमुदत संप पुकारण्यात आला आहे. या संपाला पुणे महानगरपालिका कामगार युनियन (मान्यताप्राप्त) आणि इतर संघटनांनी जाहीर पाठिंबा दर्शविला व त्याचसोबत आज संपाला जाहीर पाठिंबा देण्याकरिता पुणे महानगरपालिका भवनाबाहेर निदर्शने करण्यात आली.
‘एकच मिशन- जुनी पेन्शन’ या आपल्या लढ्याला कामगारांनी काम करून निदर्शनात सहभाग नोंदविला. निदर्शनामध्ये पुणे महानगरपालिका कामगार युनियन (मान्यताप्राप्त) ने आपली आज भूमिका स्पष्ट केली. जुन्या पेन्शनचा लढा हा एकजुटीच्या ताकदीवर लढवावा लागणार असल्याने कामगारांची एकजूट हीच ताकद असल्याचं युनियनकडून मांडण्यात आले. यावेळी युनियनचे सर्व पदाधिकारी व कामगार तसेच सहयोगी संघटनांचे पदाधिकारी आणि कार्यकर्ते उपस्थित होते.
