PMC: biometric Attendence: महापालिकेत पुन्हा बायोमेट्रिक हजेरी!

महापालिका आयुक्तांच्या निर्देशानुसार  शासन निर्णयान्वये सर्व शासकीय कार्यालयामधील बायोमेट्रिक उपस्थिती प्रणाली पुन्हा सुरू करण्यात आली आहे. त्यानुसार पुणे महानगरपालिकेतील सर्व कार्यालयांमध्ये Aadhar Enable Bio-Metric Attendance System प्रणाली काही अटी व शर्थीच्या अधीन राहून चालू करण्यात येत आहे. सर्व शासकीय कार्यालयामधील बायोमेट्रिक उपस्थिती प्रणाली आता पुन्हा सुरू करण्यात येणार आहे. त्यामुळे सर्व शासकीय अधिकारी/कर्मचारी यांनी यापुढे कोविड प्रतिबंधात्मक उपाययोजनांचा वापर करून (जसे हात मॅनिटाईझ करणे) बायोमेट्रिक उपस्थिती प्रणालीबरच त्यांची दैनंदिन उपस्थिती नोंदवावी.  प्रशासकीय विभागांच्या कार्यालयांच्या आस्थापना शाखांनी सर्व अधिकारी/कर्मचारी कार्यालयात येताना व कार्यालय सोडताना त्यांची उपस्थिती बायोमेट्रिक प्रणालीवरच नोंदवत आहेत याची दक्षता घ्यावी, तसेच विभागप्रमुख /कार्यालय प्रमुख यांनी याकरिता आवश्यक कोविड प्रतिबंधात्मक उपाययोजना करण्यासाठी जसे बायोमेट्रिक मशिनच्या जवळ हात सॅनिटाईझ करायची व्यवस्था इ. उपलब्ध करून द्यावी, जेणे करून कोविड-१९ पसरण्याचा धोका राहणार नाही.