पुणेकरांना दिलासा | शुक्रवार पासून पाणीकपात नाही | दररोज पाणीपुरवठा सुरळीत राहणार
पुणे | महानगरपालिकेमार्फत पुणे शहरात दि. ०४/०७/२०२२ ते ११/०७/२०२२ पर्यंत एक दिवसाआड पाणीपुरवठा करण्याचे नियोजन करण्यात आले आहे. तथापि १०/०७/२०२२ रोजी आषाढी एकादशी तसेच बकरी ईद हे सण असल्याने नागरिकांची गैरसोय होऊ नये यासाठी शुक्रवार ०८/०७/२०२२ ते ११/०७/२०२२ पर्यंत पूर्वी प्रमाणे दररोज पाणीपुरवठा करण्यात येणार आहे. तसेच दि. ११ नंतर पाण्याच्या नियोजनाबाबत अलाहिदा कळविण्यात येईल. असे पाणीपुरवठा विभाग प्रमुख अनिरुद्ध पावसकर यांनी कळवले आहे.
यंदाचे वर्षी पाऊस खूप लांबल्याने, पुणे शहराला पाणीपुरवठा करणाऱ्या चारही धरणांमधील पाणी साठा अत्यंत कमी झालेला होता. काही दिवसांमध्ये पाऊस न झाल्यास व पर्यायाने धरणांमधील पाणी साठा योग्य प्रमाणात न वाढल्यास, पुणे शहरातील नागरिकांना पाणीपुरवठा करण्यास अडचण निर्माण होऊ नये यासाठी पुणे महानरपालिकेने पुणे शहरामध्ये एक दिवसा आड पाणीपुरवठा करण्याचे नियोजन केलेले होते. नियोजन हे सोमवार दिनांक ०४.०७.२०२२ पासून करण्यात येऊन, सुरुवातीला ०८ दिवसांसाठी म्हणजेच दिनांक ११.०७.२०२२ पर्यंत करण्यात येणार होते.
मात्र ही कपात रद्द करण्यात आली आहे. १०/०७/२०२२ रोजी आषाढी एकादशी तसेच बकरी ईद हे सण असल्याने नागरिकांची गैरसोय होऊ नये यासाठी शुक्रवार ०८/०७/२०२२ ते ११/०७/२०२२ पर्यंत पूर्वी प्रमाणे दररोज पाणीपुरवठा करण्यात येणार आहे. तसेच दि. ११ नंतर पाण्याच्या नियोजनाबाबत अलाहिदा कळविण्यात येईल. असे महापालिकेकडून सांगण्यात आले आहे.
