पावसाळ्यापूर्वी कोथरूडमधील सर्व कामे पूर्ण करावीत
: कोथरूड विधानसभा मतदार संघाच्या राष्ट्रवादी युवक काँग्रेसचे अध्यक्ष गिरीश गुरनानी यांची मागणी
पुणे : पावसाळा सुरू होण्यास काही महिनेच उरले आहेत. प्रत्येक वर्षी पावसामुळे कोठे ना कोठे मोठे नुकसान होत असते. याचीच दक्षता म्हणून कोथरूडमध्ये पावसाळ्यापूर्वी सर्व कामे पूर्ण करावीत. मागच्याचवर्षी काही झोपडपट्ट्यामध्ये पाणी शिरले, काही भागात झाडे पडली, फलक उन्मळून पडली, उघड्या डींपीमध्ये पाणी शिरले, अशा भरपूर गोष्टींमुळे नागरिकांचे मोठ्या प्रमाणात हाल झाले, असे निवेदन कोथरूड विधानसभा मतदार संघाच्या राष्ट्रवादी युवक काँग्रेसचे अध्यक्ष गिरीश गुरनानी यांनी कोथरूड क्षेत्रिय अधिकारी केदार वझे यांना यावेळी दिले.
निवेदनात नमूद केल्यानुसार, गेल्यावर्षीप्रमाणे यावषी ही परिस्थिती येऊ नये यासाठी आपण पावसात पाणी तुंबणाऱ्या भागांची पाहणी करावी, चेंबर साफ करावी, पूरनियंत्रण परिस्थिती हाताळण्यासाठी विभागांनी अंतर्गत समन्वय ठेवावा. पावसाळ्यात गटारे तुबुंन घाणीचे साम्राज्य पसरले जाते, त्यामुळे नागरिकांच्या आरोग्यास धोका निर्माण होतो त्याकडे लक्ष दिले पाहिजे, तसेच मान्सून पूर्व नियंत्रण उपाययोजनांशी स॔ब॔धित कामे प्राधान्याने पार पाडावीत, इ. सर्व कामे जर पावसाळ्यापूर्वी पूर्ण केल्यास नागरिकांना होणाऱ्या मोठ्या त्रासातून मुक्तता होईल.
यावेळी राष्ट्रवादी युवक चे शशांक काळभोर, सौरभ ससाणे,संकेत शिंदे आदि उपस्थित होते.
COMMENTS